Contact Us

SON XƏBƏRLƏR

Rusiya və Ukrayna arasında "bir çox elementlər" razılaşdırılıb

2025.03.18, 12:54
Rusiya və Ukrayna arasında "bir çox elementlər" razılaşdırılıb

Rusiya və Ukrayna arasında atəşkəs sazişinin bir çox elementi artıq razılaşdırılıb.

Gunaz.tv

GünazTV "BBC"-yə istinadən xəbər verir ki, ABŞ prezidenti Donald Tramp rusiyalı həmkarı Vladimir Putinlə çoxdan gözlənilən telefon danışığından əvvəl bildirib ki, sülh sazişinin “bir çox elementləri” artıq razılaşdırılıb.

Tramp "Truth Social" sosial şəbəkəsində yazıb ki, çərşənbə axşamı Putinlə danışacaq. Onun sözlərinə görə, razılaşmalar olsa da, üzərində işləmək üçün "çox şey" qalır.

"Hər həftə hər iki tərəfdən 2500 əsgər ölümü baş verir və bu İNDİ bitməlidir. Mən prezident Putinlə zəngi səbirsizliklə gözləyirəm", - Tramp yazıb.

O, daha əvvəl jurnalistlərə deyib ki, "biz sülh sazişi və ya atəşkəs əldə edə biləcəyimizi görəcəyik və düşünürəm ki, biz bunu bacaracağıq".

Qeyd edək ki, Böyük Britaniya və Fransa Putindən Ukrayna ilə sülh sazişi əldə etmək istəyini sübut etməyə çağırıblar.

Fransa prezidenti Emmanuel Makron Zelenksinin atəşkəs təklifi ilə göstərdiyi “cəsarəti” alqışlayıb və Rusiyanı da eyni addımı atmağa çağırıb.

"Kifayət qədər ölüm, kifayət qədər dağıntı, kifayət qədər insan məhvi. Artıq silahlar susmalıdır", - Makron X-də yazıb.

Böyük Britaniyanın xarici işlər naziri Devid Lemi deyib ki, Putin "indi tam və qeyd-şərtsiz atəşkəslə razılaşmalı" və əlavə edib ki, Putinin sülh razılaşmasına ciddi yanaşdığına dair heç bir əlamət görülmür.

O xəbərdarlıq edib ki, Böyük Britaniya və onun müttəfiqlərinin Rusiyanı “ciddi” danışıqlara məcbur etmək üçün “oynaya biləcəkləri daha çox kart” var.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar