Contact Us

SON XƏBƏRLƏR

Ukrayna Donald Tramp vasitəsilə uzunmüddətli və ədalətli sülhə nail ola bilər

2025.03.18, 13:06
Ukrayna Donald Tramp vasitəsilə uzunmüddətli və ədalətli sülhə nail ola bilər

Ukrayna Səudiyyə Ərəbistanında keçirilən görüşdə əldə olunmuş razılaşmaların icrasına başlamağa hazırdır və hesab edir ki, ötən həftə Ciddədə amerikalılarla aparılan danışıqlar münaqişəyə 2025-ci ildə son qoyulmasına yol açıb.

Gunaz.tv

GünazTV Ukrayna KİV-ə istinadən xəbər verir ki, bunu ölkənin xarici işlər naziri Andrey Sibiqa Hindistanın paytaxtında keçirilən “Raisina Dialogue 2025” konfransında çıxışı zamanı bildirib.

Andrey Sibiqa bildirib ki, Kiyev Rusiya ilə sülh sazişi üçün maneə deyil və Amerika prezidenti Donald Trampın rəhbərliyi altında ədalətli və davamlı sülhə nail ola biləcəyinə inanır: "Ciddədən sonra bu müharibəni bu il bitirmək üçün yeni əlavə imkanlarımız yaranıb. Biz buna hazırıq və sülhə nail olmaq üçün maneə deyilik", - o qeyd edib.

Sibiqa Moskvanı müharibəni bitirmək istəməməkdə günahlandırıb və əlavə edib ki, Ukrayna Rusiya qüvvələri tərəfindən işğal olunmuş ərazilərinin heç birini heç vaxt tanımayacaq.

Nazirin sözlərinə görə, Kiyev vəziyyəti daha yaxşı başa düşmək üçün ABŞ və Rusiya prezidentləri Donald Tramp və Vladimir Putin arasında telefon danışığının nəticələrini gözləyir.

“Bizim yanaşmamız: indi diplomatiya, güclü diplomatiya vaxtıdır”, - o deyib. “Biz həqiqətən də inanırıq ki, prezident Trampın rəhbərliyi ilə uzunmüddətli, ədalətli sülhə nail ola bilərik”.

 

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar