Contact Us

SON XƏBƏRLƏR

Putin qapalı iclasda müharibədən danışdı

2025.03.21, 11:35
Putin qapalı iclasda müharibədən danışdı

Rusiya lideri Vladimir Putin daxili auditoriyanı güzəştə əsaslanan davamlı sülhdənsə, Ukraynada uzun sürən müharibəyə hazırlaşmağa təşviq edir.

Gunaz.tv

GünazTV Teleqraf-a istinadən xəbər verir ki, bu barədə ABŞ-nin Müharibə Araşdırmaları İnstitutunun (ISW) təhlilində deyilir.

Məqalədə qeyd olunur ki, son günlərdə Putin və digər rəsmilər Rusiyanın Ukraynada uzun müharibə və yalnız Kremlin şərtləri ilə sülh gözlədiyi barədə mesajlar verirlər.

Martın 18-də amerikalı həmkarı Donald Trampla telefon danışığından az əvvəl Putin Rusiya Sənayeçilər və Sahibkarlar İttifaqının konqresində iş adamları ilə bağlı qapılar arxasında görüş keçirib.

ABŞ institutu bildirir ki, Putin rusiyalı iş adamlarına müharibəni dayandırmaq üçün ləng və çətin danışıqlar aparacağı barədə xəbərdarlıq edib. Dövlət başçısı bu məsələdə onlara sadəlövh olmamağı tövsiyə edib. Həmçinin Putin açıq şəkildə bəyan edib ki, Rusiya Qərbin sanksiyalarının tez bir zamanda ləğvini gözləməməlidir.

ISW xatırladır ki, Kreml uzun müddətdir Rusiyanın mövcud cəbhə xəttindən kənarda ərazi və təhlükəsizlik güzəştləri ilə bağlı tələblərini gündəmə gətirir.

“Putin və digər rəsmilər daxili auditoriyanı Ukraynadakı müharibənin uzun sürən əməliyyat olaraq qaldığına və Rusiyanın tezliklə sülhə nail olmayacağına inandırmağa davam edəcək”, - analitiklər deyirlər.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar