Ukrayna şəhərlərinə raket, PUA-zərbələri endirilib

SON XƏBƏRLƏR

Ukrayna şəhərlərinə raket, PUA-zərbələri endirilib - Zelenski açıqlama yaydı

2025.03.31, 12:18

Rusiya ordusu bazar günü axşam və bazar ertəsinə keçən gecə Ukraynanın bir neçə bölgəsini yenidən atəşə tutub və nəticədə itkilər var.

Gunaz.tv

GünazTV Azpolitika-ya istinadən xəbər verir ki, Ukrayna Prezidenti Volodimir Zelenski açıqlaması zamanı bildirib ki, Çerkassı, Xerson, Donetsk, Zaporojya, Dnepropetrovsk, Sumi və Xarkov vilayətləri atəşə, hava hücumlarına və pilotsuz təyyarələrin zərbələrinə məruz qalıb.

Xerson vilayətində Antonovka kəndində pilotsuz təyyarənin hücumu zamanı iki nəfər, Berislav rayonunda isə PUA-nın avtomobilinə çırpılması nəticəsində daha bir yerli sakin yaralanıb.

Rusiyanın atəşə tutması nəticəsində Donetsk vilayətində son 24 saat ərzində iki nəfər yaralanıb. Sumı rayonunda isə eyni müddət ərzində üç yerli sakin yaralanıb, yaşayış binalarına və mülki infrastruktura çoxsaylı hücumlar edildiyi bildirilir.

Dnepropetrovsk vilayətində itki yoxdur, lakin səlahiyyətlilər bildirirlər ki, Nikopol rayonu axşam saatlarına qədər Rusiya tərəfindən atəşə tutulub.

Xarkovda gecə pilotsuz təyyarənin hücumu nəticəsində mülki müəssisə yanıb, yaşayış binalarına, uşaq bağçasına və idman kompleksinə ziyan dəyib. Ukrayna Hərbi Hava Qüvvələri Rusiyanın 131 pilotsuz təyyarəsinin hücumunu dəf etdiyini açıqlayıb.

Rusiya hakimiyyəti bazar ertəsi Ukrayna Silahlı Qüvvələrinin hücumları barədə də məlumat verib. Xüsusilə, Kaluqa bölgəsi PUA ilə vurulub, itki olmayıb.

Rusiya Müdafiə Nazirliyi bildirir ki, hava hücumundan müdafiə vasitələri bir gecədə Ukraynanın 66 pilotsuz təyyarəsini məhv edib. Onlardan 41-i Bryansk vilayəti, 24-ü Kaluqa vilayəti, biri isə Kursk vilayəti üzərində zərərsizləşdirilib.

Ş.E

GUNAZ.TV

SON XƏBƏRLƏR