Trampdan Makrona sərt tələb: “Marin Le Pen-i azad edin!”

SON XƏBƏRLƏR

Trampdan Makrona sərt tələb: “Marin Le Pen-i azad edin!”

2025.04.04, 11:07

ABŞ prezidenti Donald Tramp Fransanın radikal sağçı lideri Marin Le Pen-ə qarşı çıxarılan məhkəmə hökmünü siyasi təqib adlandırıb və onun dərhal azadlığa buraxılmasını tələb edib.

Gunaz.tv

GünazTV Musavat.com-a istinadən xəbər verir ki, Tramp bu barədə Truth Social platformasında paylaşım edib.

O, Le Pen-ə qarşı qaldırılan ittihamları “avropalı solçuların azad sözə qarşı istifadə etdiyi hüquqi silah” kimi xarakterizə edib və bu prosesi özünün keçmişdə yaşadığı “siyasi təqib ssenarisi” ilə müqayisə edib:

“Marin Le Pen-ə qarşı aparılan bu cadugər ovuna son qoyulmalıdır. Avropalı solçular siyasi rəqiblərini susdurmaq üçün yenə eyni üsullara əl atırlar. Bu dəfə isə iş o yerə çatıb ki, rəqibini həbsə atıblar.”

Tramp, Le Pen-lə şəxsən tanış olmadığını, lakin onun illərlə apardığı mübarizəyə və əzminə hörmət etdiyini vurğulayıb. O bildirib ki, Le Pen çoxsaylı siyasi məğlubiyyətlər yaşasa da, heç vaxt geri çəkilməyib:

“İndi isə, böyük bir qələbəyə çox az qalmış, ona ehtimal ki, heç bilmədiyi və əhəmiyyətsiz bir məsələ – sadəcə ‘mühasibatlıq səhvi’ – üzərindən ittiham irəli sürüblər.”

Trampın fikrincə, bu hökm təkcə bir partiyanın və ya liderin həbsi deyil, Fransa və bütövlükdə azadlıq prinsiplərinə zərbədir:

“Bu, Fransanın və möhtəşəm Fransa xalqının faciəsidir – hansı tərəfdə olmalarından asılı olmayaraq. Marin Le Pen-ə azadlıq!”

Marin Le Pen Avropa Parlamenti vəsaitlərindən qanunsuz istifadə ittihamı ilə məhkum edilib. Paris məhkəməsi onu Avropa Birliyi büdcəsindən şəxsi və ya partiya məqsədləri üçün istifadə etməkdə günahlandırıb. Bu, Fransada daxili siyasi balansı ciddi şəkildə silkələyib və Makron hökumətinə qarşı beynəlxalq reaksiyalara səbəb olub.

WhatsApp Image 2025-04-04 at 10.28.38.jpeg (89 KB)

Ş.E

GUNAZ.TV

SON XƏBƏRLƏR