Contact Us

SON XƏBƏRLƏR

WSJ: ABŞ Zaporojye AES-in ətrafındakı ərazilərə nəzarət etmək istəyir

2025.04.21, 11:32
WSJ: ABŞ Zaporojye AES-in ətrafındakı ərazilərə nəzarət etmək istəyir

ABŞ hesab edir ki, Ukrayna münaqişəsinin həllinə töhfə verə biləcək şərtlərdən biri Zaporojye atom elektrik stansiyasının ətrafındakı ərazilərə Vaşinqtonun nəzarət etməsi ilə neytral statusun verilməsi ola bilər.

Gunaz.tv

GünazTV xəbər verir ki, bu barədə “Wall Street Journal” mənbələrə istinadən məlumat yayıb.

Nəşr Vaşinqtonun “AES”in ətrafındakı hansı əraziləri neytral elan etməyi təklif etdiyini və ABŞ-nin bu ərazilər və stansiya üzərində nəzarəti hansı formatda həyata keçirə biləcəyini göstərməyib.

Mənbələr bildiriblər ki, bu ideya gərginliyin azaldılması üçün kompromislərin tapılması kontekstində müzakirə edilir, lakin texniki və siyasi detallar hələ də qeyri-müəyyən olaraq qalır.

“Wall Street Journal” qeyd edib ki, Vaşinqton bu addımı gərginliyi azaltmaq üçün fürsət hesab edir, lakin təklifin əsas aspektləri hələ işlənib hazırlanmayıb.

Aprelin 17-də Ukraynanın energetika naziri Herman Qaluşenko bildirib ki, Kiyev ABŞ-la birlikdə Zaporojye atom elektrik stansiyasına nəzarət etməyə hazırdır, çünki Rusiya qurğuya nəzarəti saxlasa, bu, nüvə enerjisinə inamı məhv edəcək və yeni fəlakəti yaxınlaşdıracaq.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar