Contact Us

SON XƏBƏRLƏR

Yeni müharibə anonsu? - Pakistan ordusu döyüş hazırlığı vəziyyətinə gətirildi

2025.04.24, 15:31
Yeni müharibə anonsu? - Pakistan ordusu döyüş hazırlığı vəziyyətinə gətirildi

26 turistin ölümü ilə nəticələnən Pahalqam hücumundan sonra “Laşkar-e-Taiba” ilə əlaqəli tanına “Müqavimət Cəbhəsi” qrupu məsuliyyəti öz üzərinə götürməsinə baxmayaraq, Hindistan rəsmiləri hücuma görə Pakistanı günahlandırdı.

Gunaz.tv

GünazTV Publika.az-a istinadla xəbər verir ki, Yeni Dehli araşdırmanın nəticələrini gözləmədən “xarici təhlükə” ilə bağlı tələsik açıqlama verdi.

Pakistan buna cavab olaraq silahlı qüvvələrini yüksək hazırlıq vəziyyətinə gətirib.

Nəzarət xətti boyunca ordu hissələri gücləndirilib, Hərbi Hava Qüvvələri əsas bölmələri yüksək hazırlıq vəziyyətinə gətirib.

Kəşfiyyat təyyarələri Hindistanın 2019-cu ildə Balakota endirdiyi zərbələrdən əvvəl olduğu kimi, mümkün təxribat riskini nəzərə alaraq sərhəd hava məkanında patrul uçuşları edir.

Pakistan Ordusu gərginliyin artması fonunda bir sıra müdafiə tədbirləri çərçivəsində Tillah silsiləsində səhra atəşi təlimləri keçirib.

Xatırladaq ki, Dehli Pakistan səfirliyinin müdafiə, hərbi dəniz və hərbi hava qüvvələri üzrə məsləhətçilərini "persona non-qrata" (arzuolunmaz şəxs) elan edib.

 

Hindistan, həmçinin İslamabaddakı səfirliyinin işçilərinin sayını demək olar ki, yarıya qədər azaltmaq qərarına gəlib. Eyni zamanda Hindistan Pakistanla sərhəddəki əsas "Atari" keçid məntəqəsini də bağlayıb.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar