Contact Us

SON XƏBƏRLƏR

Ukraynaya dair “sülh planı”nın bütün bəndləri məlum olub

2025.04.25, 15:36
Ukraynaya dair “sülh planı”nın bütün bəndləri məlum olub

Uzun müddətdir barəsində danışılan Donald Trampın Ukraynaya dair “sülh planı”nın bütün bəndləri məlum olub

Gunaz.tv

GünazTV “AzPolitika”-ya istinadla xəbər verir ki, “Reuters” agentliyi Rusiya-Ukrayna nizamlanması üzrə Amerika Birləşmiş Ştatları (ABŞ) təkliflərinin siyahısını dərc edib.

Agentliyin mənbələrinə görə, bu təklifləri Prezident Donald Trampın xüsusi elçisi Stiv Uitkoff aprelin 17-də Parisdə keçirilən danışıqlarda avropalı həmkarlarına təqdim edib.

Plan Krım üzərində Rusiyanın nəzarətinin ABŞ tərəfindən tanınmasını, Rusiyanın işğal olunmuş 4 vilayətə nəzarətinin de-fakto tanınmasını və bitərəf statusu şərti ilə Ukraynanın təhlükəsizliyinə təminat verilməsini nəzərdə tutur.

Planın əsas bəndləri:

1.Hər iki tərəf dərhal Ukraynaya təhlükəsizlik zəmanətlərinin verilməsinin texniki aspektləri üzrə danışıqlara başlayacaq.

2.Ukrayna bir qrup Avropa dövlətindən və qeyri-Avropa ölkələrindən etibarlı təhlükəsizlik zəmanətləri alır.

3.Ukrayna NATO-ya üzv olmaq arzusundan imtina edir, lakin Aİ-yə üzvlük üçün müraciət etmək imkanını özündə saxlayır.

4.ABŞ rəsmi olaraq Krımı Rusiyanın bir hissəsi kimi tanıyır.

5.ABŞ de-fakto Rusiyanın Luqanska, eləcə də Zaporojye, Donetsk və Xerson vilayətlərinin işğal olunmuş hissələrinə nəzarətini tanıyır.

6.Ukrayna Xarkov vilayətindəki ərazilərə nəzarəti bərpa edir.

7.Ukrayna ABŞ ilə birgə işlədilməsi və elektrik enerjisinin hər iki istiqamətə paylanması şərtilə Zaporojye Atom Elektrik Stansiyasına, eləcə də Kaxovka bəndinə nəzarəti əldə edir.

8.Ukrayna Dnepr boyunca maneəsiz keçid və Kinburn üzərində nəzarət əldə edir.

9.ABŞ və Ukrayna iqtisadi əməkdaşlıq, o cümlədən mineral ehtiyatlar sahəsində saziş imzalayır.

10.Ukrayna yenidənqurma və maliyyə kompensasiyası üçün irimiqyaslı yardım alır.

11.Rusiyaya qarşı 2014-cü ildən tətbiq edilən sanksiyalar aradan qaldırılacaq.

12.Enerji və sənaye sektorlarında ABŞ-Rusiya iqtisadi əməkdaşlığının açılması.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar