Contact Us

SON XƏBƏRLƏR

Qazaxıstan Rusiya deputatlarının ölkəyə girişinə qadağan etdi

2025.05.03, 11:33
Qazaxıstan Rusiya deputatlarının ölkəyə girişinə qadağan etdi

Rusiya Dövlət Dumasının dörd deputatının və vites-spikerinin Qazaxıstana girişi qadağan edilib.

Gunaz.tv

GünazTV Musavat.com-a istinadla xəbər verir ki, bu barədə “Deutsche Welle” hökumətindəki mənbəyə istinadən məlumat yayıb.

Nəşrin mənbəsinin sözlərinə görə, buna səbəb həmin şəxslərin Qazaxıstana və onun rəhbərliyinə ünvanlanmış təhqiramiz və düşmənçilik xarakterli bəyanatlarıdır. “Qara siyahı”ya Dövlət Dumasının spikerinin müavini Pyotr Tolstoy, Dumanın beynəlxalq məsələlər komitəsi sədrinin birinci müavini Vyaçeslav Nikonov, “Vahid Rusiya” partiyasının deputatları Yevgeni Fedorov və Konstantin Zatulin, həmçinin “Rossotrudniçestvo”nun rəhbəri və Dövlət Dumasının keçmiş deputatı Yevgeni Primakovun adı daxil edilib.

Bildirilir ki, Tolstoyun Ukraynadan sonra Qazaxıstan Rusiya üçün “növbəti problem” ola bilər bəyanatı Almatada qəzəb doğurub. O, həmçinin Almatını “rusların tikdiyi Vernı şəhəri” adlandırıb və Qazaxıstanı Rusiyadan uzaqlaşmaq üçün “öz tarixini uydurmağa” cəhd etməkdə ittiham edib.

Federal televiziyada çıxış edən Nikonov isə “Qazaxıstanın sadəcə olaraq mövcud olmadığını” bəyan edərək, bu ölkənin indiki ərazisini “Rusiya və SSRİ-nin hədiyyəsi” kimi xarakterizə etdi. Fedorov isə Nikonovun bəyanatlarını dəstəkləyib və Rusiyanın guya Qazaxıstandan əraziləri geri qaytarmasını tələb etmək hüququna malik olduğunu bildirib. Bundan əlavə, Fedorovun fikrincə, Qazaxıstan “beynəlxalq hüquqa uyğun olaraq SSRİ-ni tərk etməyib”, bu da onun dövlətçiliyinin “tamamilə qanuni olmadığını” göstərir.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar