Contact Us

SON XƏBƏRLƏR

Salman Rüşdiyə hücum edən şəxsə 25 il həbs verildi

2025.05.17, 09:00
Salman Rüşdiyə hücum edən şəxsə 25 il həbs verildi

Amerikada Chautauqua County məhkəməsi 27 yaşlı Hadi Matarı 2022-ci ildə yazıçı Salman Rüşdiyə mühazirə zamanı bıçaqla hücum etdiyinə görə 25 il həbs cəzasına məhkum edib.

Gunaz.tv

Matar yazıçı ilə eyni vaxtda səhnədə olan başqa bir şəxsə xəsarət yetirməkdə də təqsirli bilinib və buna görə hakim onu 7 il müddətinə azadlıqdan məhrum edib. 

Rüşdi məhkəməyə ifadə verib, hücum zamanı ondan çox bıçaq zərbəsi aldığı və ölmək üzrə olduğunu düşündüyü zaman hisslərini izah edib. Müttəhim isə məhkəməyə müraciətində Rüşdini başqalarına hörmətsizlik etməkdə və onu qorxutmağa çalışmaqda ittiham edib.

Prokuror müttəhimin hücum zamanı maksimum zərər verməyə çalışdığını, 1400 mühazirə iştirakçısına zərər vurduğunu və bununla da öz taleyini seçdiyini əsas gətirərək, Matar üçün maksimum cəza istəyib. İttiham tərəfinin fikrincə, Amerika vətəndaşı olan Matar Rüşdinin öldürülməsinə çağıran 1989-cu ildə verilən fətvaya arxalanıb.

Təqsirləndirilən şəxsin vəkili hücum anına qədər Matarın qanun qarşısında açıq olduğunu və otaqdakı hər kəsin zərərçəkmiş kimi tanınmasının əleyhinə olduğunu diqqətə çatdırıb. Müdafiə tərəfi 12 il həbsdə israr edib.
Hücum nəticəsində Rüşdinin bir gözü kor olub.

77 yaşlı Salman Rüşdi hind əsilli britaniyalı yazıçıdır. Onun 1988-ci ildə yazdığı "Şeytan ayələri" romanı müsəlmanların etirazına və onun öldürülməsinə göstəriş verən fətvaya səbəb olub. Yazıçı Britaniya hökumətinin himayəsinə götürülüb.

Xatırladaq ki, daha öncəki illərdə İran rəhbərinin Kirman, Şiraz, Ərdistan, Yəzd, Bəndər Abbas, Simnan və başqa yerlərdəki nümayəndələri çıxışlarında Salman Rüşdiyə qarşı həyata keçirilən sui-qəsdi "Ruhullah Xomeyninin göstərişinin yerinə yetirilməsi cəhdi" adlandırıblar. Cümə imamları yazıçıya qarşı sui-qəsdi davamlı olaraq ilahi borc adlandırır və Amerika, Avropada müqəddəsləri təhqir edən başqa şəxslərində cəzalandırılmasını istəyib.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar