Suriyanın yeni hökuməti qanunsuz maddələrə qarşı mübarizəni davam etdirir

SON XƏBƏRLƏR

Suriyanın yeni hökuməti qanunsuz maddələrə qarşı mübarizəni davam etdirir

2025.05.19, 15:03

Suriyanın Latakiya şəhərində sənaye avadanlığının içərisində gizlədilmiş 4 milyondan çox psixotrop maddə olan "kaptaqon" həbi ələ keçirilib.

Gunaz.tv

GünazTV xəbər verir ki, Suriya Narkotiklərlə Mübarizə Şöbəsi qrupları Latakiya şəhərində sənaye avadanlıqlarının içərisində gizlədilmiş və ölkədən qaçaqmalçılıq yolu ilə çıxarılmaq üçün hazırlanan 4 milyondan çox psixotrop maddə olan "kaptaqon" həbi ələ keçirib.

Suriya Daxili İşlər Nazirliyinin "Teleqram" kanalında verdiyi açıqlamada Narkotiklərlə Mübarizə İdarəsinin rəisi Xalid Bayram bildirib ki, ölkədən qaçaqmalçılıq yolu ilə çıxarılacaq sənaye tipli avadanlığın içərisində gizlədilmiş narkotik vasitənin daşınması ilə bağlı dəqiq məlumat daxil olduqdan sonra Latakiya şəhərində yükün ünvanı müəyyən edilib və ünvana reyd keçirilib.

Lazkiye'de Endüstriyel Ekipmanların İçine Gizlenmiş 4 Milyondan Fazla Captagon Hapı Ele Geçirildi – Suriye Arap Haber Ajansı – SANA

Əməliyyat zamanı sənaye avadanlığının içərisinə gizlədilmiş 4 milyondan çox "kaptaqon" həbinin ələ keçirildiyinə də diqqət çəkən Bayram, bu əməliyyatın narkotik istehsalçılarını və satıcılarını tutmaq və bu təhlükəli bəlanın yayılmasını məhdudlaşdırmaq üçün rəhbərliyin davam edən təhlükəsizlik tədbirləri çərçivəsində həyata keçirildiyini izah etdi.

Qeyd edək ki, Bəşər Əsəd rejiminin süqutu Yaxın Şərqdə ən gəlirli narkotik ticarəti şəbəkəsini çökdürərək regionda baş verən müharibələrə və sosial böhranlara səbəb olan narkotik istehsalı və qaçaqmalçılığında keçmiş rejimin oynadığı əsas rolu üzə çıxarıb.

Lazkiye'de Endüstriyel Ekipmanların İçine Gizlenmiş 4 Milyondan Fazla Captagon Hapı Ele Geçirildi – Suriye Arap Haber Ajansı – SANA

Bəşər Əsədin rejimi Suriyada müharibə dövründə "kaptaqon"un geniş istehsalı və yayılmasını təşkil etməklə milyardlarla dollarlıq gəlir əldə edib. Bu həblərin Yaxın Şərqin qonşu ölkələrinə və hətta Avropaya qədər çatdırıldığı qeyd olunur. Ticarət marşrutları əsasən Ürdün, Lübnan və Səudiyyə Ərəbistanı vasitəsilə həyata keçirilib.

Bəşər Əsəd rejiminin süqutu ilə narkotik ticarətinin ifşası, Yaxın Şərqin gələcək iqtisadi və sosial dinamikaları üçün mühüm nəticələrə səbəb ola bilər. Ekspertlər bu faktların Suriyada uzun illər ərzində dərinləşmiş siyasi və iqtisadi korrupsiyanı açıq şəkildə nümayiş etdirdiyini bildirir.

Şahin Elxanoğlu

GUNAZ.TV

SON XƏBƏRLƏR