Contact Us

SON XƏBƏRLƏR

Təbriz Universitetinin professoru: Urmu gölünü canlandırmağın dənizdən su daşımaqdan başqa yolu yoxdur

2025.07.12, 12:10
Təbriz Universitetinin professoru: Urmu gölünü canlandırmağın dənizdən su daşımaqdan başqa yolu yoxdur

Təbriz Universitetinin İqlimşünaslıq kafedrasının professoru, Planlaşdırma və Ətraf Mühit Elmləri fakültəsinin üzvü Doktor Bəhruz Sari-Sərraf Urmu gölündə yaşanan iqlim problemindən danışıb.

Gunaz.tv

"Urmiya gölü hövzəsində iqlim dəyişikliyi açıq şəkildə müşahidə olunur və belə bir şəraitdə bu gölün dirçəlməsinə əvvəlkindən daha çox diqqət yetirilməli və təsirli tədbirlər görülməlidir. Bu gölün dirçəlməsi üçün açıq dənizlərdən suyun göl yatağına köçürülməsindən başqa yol yoxdur." - deyə doktor Bəhruz Sari-Sərraf İRNA-ya müsahibəsində bildirib.

O, Urmiya gölünün dirçəliş qərargahının strukturunun milli səviyyədən əyalət səviyyəsinə dəyişdirilməsini pis hal hesab edib:

"Biz məsələni beynəlmiləlləşdirmək və bu gölü xilas etmək üçün dünya ölkələrindən alimləri İrana dəvət etmək əvəzinə, dirçəliş qərargahını millidən yerli qərargahına çevirdik." - deyə o bildirib.

Doktor Sarı Sərəf ötən qışda Urmiya gölünün bərpası üçün Yaponiyanın 4,5 milyon dollarlıq yardımına toxunub: "Gölün su təchizatı layihələrində istifadə oluna biləcək bu böyük məbləğdə vəsait məqsədyönlü şəkildə xərclənməlidir." O hazırki tendensiyanın davam edəcəyi təqdirdə gölün tamamilə məhv olacağını bildirib.

Şərqi Azərbaycan Regional Su İdarəsinin bildirdiyinə görə, göl yatağının 31 faiz kiçilməsi, vilayətin yeraltı su anbarlarında beş milyard kubmetrdən çox su çatışmazlığı, eləcə də Urmu gölünün suyunun həcminin kəskin azalması bölgənin əsas problemlərindəndir.

 

C

Açar Sözlər :

SEÇİLMİŞ XƏBƏRLƏR

Çox oxunanlar