Contact Us

SON XƏBƏRLƏR

CENTCOM: Yəmən qüvvələri İranın husilər üçün böyük silah göndərişini ələ keçirib

2025.07.17, 11:14
CENTCOM: Yəmən qüvvələri İranın husilər üçün böyük silah göndərişini ələ keçirib

Amerika Mərkəzi Komandanlığının (CENTCOM) rəsmi hesabı CENTCOM ilə əməkdaşlıq edən Yəmən qüvvələrinin husilərə göndərilən İran silahlarının böyük bir partiyasını ələ keçirməyə müvəffəq olduğunu açıqlayıb.

Gunaz.tv

"Yəmən Milli Müqavimət Qüvvələrini İran silahlarını ələ keçirməsi münasibətilə təbrik edirik." - bəyanatda bildirilib.

Bəyanatda Yəmən qüvvələrinin yüzlərlə qabaqcıl qanadlı raketlər, gəmi əleyhinə və hava hücumundan müdafiə raketləri, döyüş başlıqları və axtarış aparatları, yüzlərlə pilotsuz təyyarə mühərriki, hava hücumundan müdafiə avadanlığı, radar sistemləri və rabitə vasitələri də daxil olmaqla 750 tondan çox sursat və ləvazimat ələ keçirməyə müvəffəq olduğu bildirilib.

Yəmən Milli Müqavimət Qüvvələrinin məlumatına görə, avadanlıq təlimatları fars dilində olub və bu sistemlərin bir çoxu İran Müdafiə Nazirliyinə bağlı və Amerika sanksiyalarına məruz qalan şirkət tərəfindən istehsal edilib.

CENTCOM komandiri general Maykl Erik Korella açıqlamasında “Biz Yəmən qüvvələrinin qanuni hökumətini İranın husilərə sursat axınının qarşısını almaq üçün göstərdikləri davamlı səylərə görə alqışlayırıq” deyib.

Onun sözlərinə görə, İranın kütləvi silah göndərişinin ələ keçirilməsi İslam Respublikasının “bölgədə sabitliyi ən çox pozan aktor” olaraq qaldığını nümayiş etdirir.

C

Açar Sözlər :

SEÇİLMİŞ XƏBƏRLƏR

Çox oxunanlar