İran yığmasının qeyri-adi azərbaycanlı üzvü ən yaxşı bombardir seçildi

SON XƏBƏRLƏR

İran yığmasının qeyri-adi azərbaycanlı üzvü ən yaxşı bombardir seçildi

2025.07.21, 15:16

İran milli voleybol komandası 2025 Millətlər Liqasının üçüncü həftəsində dördüncü oyununa çıxıb və Bolqarıstan millisi ilə görüşdə 3-0 hesablı qələbə qazanıb.

Gunaz.tv

Bu haqda idman mediası məlumat yayıb.

Qarşılaşmanın İran komandası xeyrinə başa çatmasında əsas amilin Şərqi Azərbaycan əyalətinin Məlikan şəhərindən olan voleybolçu Əmin İsmayılnejad olduğu bildirilib.

Polşanın Qdansk şəhərinin “Arqo Arena” kompleksində keçirilən oyunda azərbaycanlı voleybolçu 19 xalla ən yaxşı bombardir seçilib və istənilən oyunun gedişatını dəyişmək qabiliyyətinə malik olduğunu bir daha göstərib.

Avropalı idman şərhçiləri Əmin İsmayılnejadın zərbələrinin saatda 110 kilometrdən çox sürətə çatdığını söyləyiblər.

“İldırım sürətiylə zərbələr nəinki Bolqarıstanın, istənilən müdafiəni yarmağa imkan verir. Onun oyun üslubu güc və mühəndislik dəqiqliyinin birləşməsidir. Əmin zərbə vurmaq üçün hər dəfə havaya qalxanda salon sükuta bürünür və hər kəs möhtəşəm bir hadisənin olacağını bilir”, - idman ekspertləri qeyd ediblər.

İran idman mütəxəssisləri isə 1996-cı il təvəllüdlü Əmin İsmayılnejadı İran voleybol tarixinin ən parlaq üzvlərindən biri kimi qiymətləndiriblər.

Qeyd edək ki, xüsusən İran voleybolunun və yığmasının əsas üzvlərini azərbaycanlılar təşkil verir və Urmiya İran voleybolunun paytaxtı kimi ad çıxarıb.

Urmiya yığması dəfələrlə İran və Asiya çempionu olub, yığmanın üzvlərinin bir neçəsi Avropa klublarında baş məşqçi kimi çalşır.

GünazTV

GUNAZ.TV

SON XƏBƏRLƏR