Contact Us

SON XƏBƏRLƏR

İran XİN Amerika sanksiyaları barədə: Məqsəd inkişafımızı pozmaq, daxili nifaq yaratmaqdır

2025.07.31, 12:36
İran XİN Amerika sanksiyaları barədə: Məqsəd inkişafımızı pozmaq, daxili nifaq yaratmaqdır

İran Amerikanın İrana qarşı son yeddi ildə tətbiq etdiyi ən böyük sanksiya paketini pisləyir.

Gunaz.tv

Bu açıqlamanı İran XİN-in rəsmi nümayəndəsi İsmayıl Bəqai verib.

"Amerika sanksiyalarının əsl məqsədi İranın inkişafını pozmaq, daxili nifaq yaratmaq və sadə vətəndaşların hüquqlarını və yaşam vasitələrini zəiflətməkdir", - rəsmi nümayəndə bildirib.

Onun sözlərinə görə, bu cür addımlar artıq onilliklər boyunca təkrarlanır və beynəlxalq hüququn, o cümlədən insan hüquqlarının pozulması ilə müşayiət olunur. İ.Bəqai Vaşinqtonu İranla mübarizədə İsraili dəstəkləməkdə ittiham edib və vurğulayıb ki, İran xalqı öz hüquq və maraqlarını qətiyyətlə müdafiə etmək əzmindədir.

Xatırladaq ki, Amerika hökuməti ötən gün İrandan olan 50 fiziki və hüquqi şəxsə, o cümlədən bu ölkənin nəzarətində olan və Vaşinqtonun fikrincə, neft ticarətində iştirak edən 50-dən çox gəmiyə qarşı sanksiyalar tətbiq edib.

Qeyd edək ki, Avropa Üçlüyü və Amerika ilə İran arasında 2015-ci ildə imzalanan nüvə razılaşmasından sonra İran tərəfi razılaşmanın şərtlərinə əməl etməmiş və nüvə silahı həddində uran zənginləşdirməsini davam etdirmişdir. Bu səbəbdən Donald Trampın birinci prezidentliyi dövründə Amerika bu razılaşmadan bir tərəfli qayda da çıxmışdır. Hazırda, İsrail ilə İran arasında baş verən 12 günlük savaşda ağır zərbə almalarına baxmayaraq İran tərəfi nüvə proqramından və uran zənginləşdirməsindən imtina etməyəcəyi arədə israr edir.

 

C

Açar Sözlər :

SEÇİLMİŞ XƏBƏRLƏR

Çox oxunanlar