Rəisiyə sui-qəsd cəhdi istisna deyil

SON XƏBƏRLƏR

Rəisiyə sui-qəsd cəhdi istisna deyil - Şəmxani

2025.10.13, 09:56

İran Ali Milli Təhlükəsizlik Şurasının keçmiş rəhbəri və Əli Xaməneinin müşaviri Əli Şamxani sabiq prezident İbrahim Rəisinin ölümündə sui-qəsd cəhdini mümkün hesab edir.

Gunaz.tv

Bu haqda "Sepah Pasdaran" Telegram kanalı məlumat yayıb.

Şamxaninin sözlərinə görə, 12 günlük müharibədən sonra yenidən sual yaranıb: Rəisinin qətlinin İsraillə əlaqəsi varmı?

"Müstəntiqlərin təhqiqatında prezidentin ölümündə heç bir xarici müdaxilə əlamətləri aşkar edilməyib. Bununla belə, istintaqın texniki imkanlarından kənar bir şeyin baş verdiyini də istisna etmək olmaz", - Ə.Şamxani qeyd edib.

Bundan bir müddət əvvəl isə İran parlamentinin üzvü Kamran Qəzənfəri də İbrahim Rəisinin sui-qəsd nəticəsində həlak olduğunu iddia edib.

Qeyd edək ki, İranın keçmiş Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Al-Haşim, Şərqi Azərbaycan vilayətinin valisi Malik Rəhməti 2024-cü il mayın 19-da Şərqi Azərbaycan vilayətində baş verən helikopter qəzasında həlak olub.

İran hökuməti rəsmi açıqlamasında qəzanın əlverişsiz hava şəraiti ilə əlaqədar baş verdiyi bildirlib.

GünazTV

GUNAZ.TV

SON XƏBƏRLƏR