İran təhdidinə qarşı daha bir addım- Səudiyyə Ərəbistanı F-35 alır

SON XƏBƏRLƏR

İran təhdidinə qarşı daha bir addım- Səudiyyə Ərəbistanı F-35 alır

2025.11.18, 13:23

ABŞ prezidenti Donald Tramp Səudiyyə Ərəbistanına ABŞ istehsalı olan F-35 qırıcı təyyarələrinin satışını təsdiqləmək niyyətində olduğunu açıqlayıb.

Gunaz.tv

ABŞ Prezidenti bu barədə Səudiyyə Ərəbistanının şahzadəsi Məhəmməd bin Salmanla Ağ evdə nəzərdə tutulan görüş öncəsi bildirib.

“Sizə deyə bilərəm ki, biz bunu edəcəyik. Biz F-35-ləri satacağıq”, - deyə Tramp Oval ofisdə jurnalistlərə bildirib.

Səudiyyə Ərəbistanına qabaqcıl F-35 qırıcı təyyarələrinin satışı bundan əvvəl Konqresdə ciddi maneələrlə üzləşmişdi, ancaq prezidentin bu günkü açıqlaması iki ölkənin tarixində ən böyük silah müqavilələrindən birinin bağlanmasına yol açacağını göstərir.

Ağ Ev hələlik müqavilənin dəqiq vaxtını və ya ölçüsünü açıqlamayıb.

Siyasi ekspertlərin fikrincə bu, həm də İranın bölgədəki təhlükə və təhdidinə qarşı ABŞ-nin müttəfiqlərini himayə planının tərkib hissəsidir.

Qeyd edək ki, Forbes jurnalının yazdığına görə, İran bölgədə ən zəif Hərbi Hava Qüvvəsinə malik ölkələrdən biridir. Tehran hökumətinin malik olduğu bir neçə F-14 qırıcısı isə 1970-ci illərin istehsalıdır.

Bu səbəbdən də İran hökuməti raket proqramının inkişafına böyük məbləğdə vəsait xərcləyərək, bölgə ölkələrini, o cümlədən Səudiyyə Ərəbistanını təhdid altında saxlayır.

F-35 qırıcılarının Səudiyyə Ərəbistanına verilməsi ilə isə Tehranın təhdid və təzyiq imkanları minimuma endirilmiş olur.

GünazTV

GUNAZ.TV

SON XƏBƏRLƏR