Ekoloq Əhməd Bayburdinin Təbriz universitetində çıxışına icazə verilmədi

SON XƏBƏRLƏR

Ekoloq Əhməd Bayburdinin Təbriz universitetində çıxışına icazə verilmədi

2025.11.18, 15:00

Tanınmış azərbaycanl ekoloq və ətraf mühit mütəxəssisi Əhməd Bayburdinin Təbriz universitetində keçirilən elmi konfransda çıxışına icazə verilməyib.

Gunaz.tv

Bununla bağlı yerli sosial media şəbəkəsində məlumat yayılıb.

Bildirilib ki, noyabrın 17-i yerli avxtla saat 12:00-da Təbriz universtetində "Urmu gölü qurudu! Urmu gölünün bərpası ilə bağlı verilən vədlər və reallıqlara yenidən baxış" keçirilib.

Əhməd Bayburdinin adı əvvəlcədən konfransda çıxışçıları siyahısına salınsa da, sonradan naməlum səbəblərdən onun konfransda iştirakı və çıxışına icazə verilməyib.

Qeyd edək ki, Əhməd Bayburdi Şərqi Azərbaycan əyalətinin Kənd Təsərrüfatı və Təbii Sərvətlərin Tədqiqat və Təlim Mərkəzinin rəhbəridir.

O, bundan əvvəl Urmu gğlü və bölgədəki başqa ekoloji problemlərlə bağlı araşdırmaları və paylaşımları ilə tanınıb.

Bayburdi bir müddət əvvəl Türkiyənin "Anadou" xəbər agentliyinə verdiyi müsahibədə iqlim dəyişikliyinin Urmu gölünün qurumasında yalnız 30% rol oynadığını, ekoloji faciənin amilinin 70%-nin isə insan amili olduğunu bildirib.

O, bundan əvvəl də ekoloji problemlərlə bağlı müstəqil mövqeyinə və ekoloji problemlərin dərinləşməsndə əlaqədar dövlət qurumlarını ittiham etdiyinə görə müxtəlif formalarda təzyiqlərlə üzləşib.

GünazTV

GUNAZ.TV

SON XƏBƏRLƏR