Irancell-in baş direktoru vəzifədən kənarlaşdırıldı

SON XƏBƏRLƏR

Irancell-in baş direktoru vəzifədən kənarlaşdırıldı

2026.01.19, 14:30

Etirazlara görə interneti bağlamadı

Gunaz.tv

Fars xəbər agentliyi bildirib ki, Irancell mobil rabitə operatorunun baş direktoru Əlirza Rəfi’i, “fövqəladə vəziyyət zamanı verilmiş göstərişlərin icra edilməməsi” səbəbilə vəzifəsindən kənarlaşdırılıb.

Məlumata görə, bu qərar 2026-ci il 10 yanvar, şənbə günü ölkə üzrə baş vermiş etiraz aksiyalarından sonra qəbul edilib. Fars agentliyinin yazdığına görə, Irancell böhran şəraitində internetə çıxışın məhdudlaşdırılması ilə bağlı aidiyyəti qurumların göstərişlərinə əməl etməyib.

Xəbərdə qeyd olunur ki, hadisələrdən təxminən səkkiz gün sonra, müvafiq qurumlar “böhran vəziyyətində qüvvədə olan qanunlara tabe olmama” əsasını götürərək Irancell-in baş direktorunun vəzifədən azad edilməsi barədə qərar veriblər.

Eyni zamanda, təhlükəsizlik orqanlarına yaxın mənbə Fars agentliyinə bildirib ki, Əlirza Rəfi’inin yeni vəzifəyə təyin edilməsi halında belə, onun barəsində hüquqi tədbirlər görüləcək.

Bu açıqlama, etirazlar fonunda rabitə və kommunikasiya sektorunda çalışan rəhbər şəxslərə qarşı təhlükəsizlik təzyiqlərinin davam etdiyini göstərir.

GünazTV

GUNAZ.TV

SON XƏBƏRLƏR