İslam Respublikası düzələn deyil

SON XƏBƏRLƏR

İslam Respublikası düzələn deyil - İbadi

2026.01.20, 17:19

İranın siyasi sistemi təməldən düzələn deyil, elə qurulub ki, daxildən mənalı islahatlar üçün hər hansı bir cəhd uğursuzluğa məhkumdur. Əli Xamənei hakimiyyətdən getməlidir.

Gunaz.tv

Bunu Nobel Sülh Mükafatı laureatı Şirin İbadi Fransanın "Liberation" qəzetinə müsahibəsində deyib.

İbadi İranda demokratiya və proqresə əsas maneənin liderlərin mövqeyində olduğunu deyib. Onun sözlərinə görə, əsl dəyişiklikdən ötrü Əli Xamənei hakimiyyətdən getməlidir.

İbadi Qərb ölkələrinin İrana yanaşmasını tənqid edib. Deyib ki, öz maraqlarına xidmət edən siyasət və rejimlə kompromis cəhdləri yalnız status-kvonu əbədiləşdirib. O, beynəlxalq ictimaiyyəti İran xalqı ilə birləşməyə, ölkənin rəhbərliyinə təzyiqi artırmağa çağırıb.

Şirin İbadi son etirazlarla bağlı bildirib ki, İran xalqı artıq bu sistemi üstələyib, indi dinə bağlı olmayan, sekulyar hökumət qurmağa çalışır.

Qeyd edək ki, insan hüquqları fəalı və vəkil əslən Güney Azərbayanın Həmədan şəhərindən olan İbadi 2003-cü ildə Nobel Sülh Mükafatını qazanan ilk müsəlman qadın və ilk iranlı olub. 2009-cu ildən Böyük Britaniyada yaşayır.

GünazTV

GUNAZ.TV

SON XƏBƏRLƏR