“The Sun”: ABŞ-ın Mossad ilə koordinasiyalı İran planı

SON XƏBƏRLƏR

“The Sun”: ABŞ-ın Mossad ilə koordinasiyalı İran planı

2026.02.14, 16:53

Gunaz.tv

İranın artıq o qədər də “ali rəhbəri” sayılmayan Əli Xameneinin nüvə proqramını davam etdirməsi Vaşinqtonla gərginliyi artırıb. Donald Tramp bildirib ki, İranla razılaşma əldə olunmasa, ABŞ bir neçə həftə davam edə biləcək hərbi əməliyyata başlaya bilər.

Məlumata əsasən, Oman danışıqları dalana dirənə bilər. Tehran uranın zənginləşdirilməsini məhdudlaşdırmağı təklif etsə də, ballistik raket proqramı və daxili etirazların yatırılması məsələlərini müzakirə etməkdən imtina edir.

“The Sun” qəzetinin yaydığı məlumata görə, mümkün əməliyyat çərçivəsində İranın hava hücumundan müdafiə sistemlərinin sıradan çıxarılması və hərbi obyektlərin hədəfə alınması planlaşdırıla bilər. Keçmiş ABŞ xüsusi təyinatlı zabiti Ron MakMannon iddia edib ki, belə bir ssenari rejim üçün ağır nəticələr doğura bilər.

məlumatına görə, İran rejimi son vaxtlar ölkə daxilində genişmiqyaslı etirazlarla və ötən yay ABŞ və İsrailin hava hücumları ilə üzləşib ki, bu da Xameneinin hakimiyyətini ciddi şəkildə sarsıdıb. Xamenei hazırda gizləndiyi yerdədir və arabir tozlu əmmamə ilə çıxış edir.

Xəbərdə həmçinin qeyd olunur ki, ilkin zərbələr İranın hava qüvvələrinə yönələ bilər və əməliyyatların Mossad ilə koordinasiyada aparılması ehtimal edilir.
MakMannon vurğuladı ki, Mossadın İranda daxili müttəfiqlərdən ibarət şəbəkəsi də mövcuddur.

Hazırda bölgədə ABŞ hərbi qüvvələrinin mövcudluğu artırılıb, Britaniya da Qətərə eskadrilya göndərib.

GünAzTV

GUNAZ.TV

SON XƏBƏRLƏR