Contact Us

SON XƏBƏRLƏR

Vaşinqton və Tehran arasında dolayı danışıqlar başlayır

2026.02.17, 12:37
Vaşinqton və Tehran arasında dolayı danışıqlar başlayır

ABŞ ilə İran arasında Oman vasitəçiliyi ilə aparılan danışıqlar Cenevrədə başlamaq üzrədir.

Gunaz.tv

Tehrandan göndərilən heyət ilə ABŞ nümayəndələri arasında yeni dolayı danışıq mərhələsi bir neçə dəqiqə ərzində Cenevrədə start götürəcək. Danışıqların yerli vaxtla saat 12:30–13:00 radələrində keçirilməsi planlaşdırılır.

Müəyyən olunmuş prosedura əsasən, hər iki heyət əvvəlcə Oman tərəfi ilə ayrı-ayrılıqda görüşəcək və mövqelərini təqdim edəcək. Daha sonra Oman xarici işlər naziri tərəflərin mesaj və baxışlarını qarşı tərəfə çatdıracaq. Bu səbəbdən heyətlər arasında birbaşa təmas olmayacaq və proses tamamilə dolayı formatda aparılacaq.

Danışıqların əsas mövzusu nüvə proqramıdır. Müzakirə mühiti ehtiyatlı və eyni zamanda gərgin kimi qiymətləndirilir. Görüşlər bölgədə hərbi gərginliyin artdığı, Hörmüz boğazında hərbi təlimlərin və dəniz hərəkətliliyinin davam etdiyi bir vaxta təsadüf edir.

Hazırkı mərhələdə tərəflərdən heç biri sürətli razılaşma ehtimalından danışmır. Danışıqların dolayı formatda keçirilməsi və Oman vasitəçiliyi tərəflər arasında dərin etimadsızlığın hələ də qalmaqda olduğunu göstərir.

 

 

GünAzTV

R.G

Açar Sözlər :

SEÇİLMİŞ XƏBƏRLƏR

Çox oxunanlar