Həmişəkindən daha boş süfrələr; sadə iftar süfrəsi iki milyon tümən

SON XƏBƏRLƏR

Həmişəkindən daha boş süfrələr; sadə iftar süfrəsi iki milyon tümən

2026.02.17, 18:27

Gunaz.tv

2026-cı ilin Ramazan ayı ərəfəsində İranda dörd nəfərlik bir ailə üçün sadə iftar süfrəsinin xərci təxminən 2 milyon tümənə çatıb. Əgər süfrəyə aş və ətli yeməklər də əlavə olunsa, bu məbləğ 3 milyon tümənə yaxınlaşır ki, bu da minimum əmək haqqının üçdə birinə bərabərdir.

Pendir, xurma, çörək, çay və qənd kimi əsas ərzaq məhsullarının qiyməti son bir ildə 120–200 faiz artıb, ərzaq inflyasiyası isə rekord həddə yüksəlib. Bir çox ailə əsas məhsulları belə siyahıdan çıxarmağa məcbur qalır və minimum imkanlarla süfrəsi qurur.

Mövcud vəziyyət illərdir davam edən yanlış iqtisadi siyasətlərin, valyuta böhranının və cavabdehlik daşımayan idarəçiliyin nəticəsi kimi qiymətləndirilir. Buna baxmayaraq, İran rəhbəri Əli Xamenei son çıxışlarında süfrələrinin boşalması və əhalinin ağır sosial vəziyyəti ilə bağlı heç bir açıqlama verməyib, o diqqətini daha çox siyasi və xarici məsələlərə yönəldib.

Bahalaşma fonunda ictimaiyyət arasında əsas sual budur: ölkənin ali rəhbərliyi niyə aztəminatlı ailələrin ağır durumuna münasibət bildirmir? Bu gün bir çox ailə maddi sıxıntı ilə üz-üzə qalır.

GünAzTV
R.G

GUNAZ.TV

SON XƏBƏRLƏR