Ukrayna mediası Xocalı soyqırımının 34-cü ildönümünə həsr olunmuş məqalə yayımlayıb

SON XƏBƏRLƏR

Ukrayna mediası Xocalı soyqırımının 34-cü ildönümünə həsr olunmuş məqalə yayımlayıb

2026.02.22, 23:11

Gunaz.tv

Ukraynanın bir media qurumu Xocalı soyqırımının 34-cü ildönümü münasibətilə məqalə dərc edərək bu hadisəni XX əsrin ən qanlı faciələrindən biri kimi qiymətləndirib.

Məlumata görə, “Naşa Versiya” (“Bizim baxışımız”) nəşri “Xocalı soyqırımının 34-cü ildönümü: tarix bizə nə deyir?” sərlövhəli yazıda faciənin müxtəlif aspektlərini təhlil edib.

Məqalənin müəllifi hüquq elmləri doktoru, professor, diplomat və Ukrayna Milli Elmlər Akademiyasının akademiki Arif Quliyevdir. Müəllif yazıda Xocalı hadisələrini xronoloji şəkildə təqdim edərək bunu Azərbaycan xalqına qarşı uzunmüddətli etnik təmizləmə və hərbi təcavüz siyasətinin tərkib hissəsi kimi qiymətləndirib.

Məqalədə Xocalı faciəsi Babin Yar, Auşvits, Xatın və Buxenvald kimi bəşəriyyətə qarşı törədilmiş digər ağır cinayətlərlə müqayisə olunub və Xocalının qlobal yaddaşda kütləvi qırğın simvoluna çevrildiyi vurğulanıb.

▪️ Babin Yar (Babyn Yar)
Ukraynanın Kiyev şəhəri yaxınlığında yerləşən dərəyə verilən addır.
1941-ci ildə İkinci Dünya Müharibəsi zamanı nasist Almaniyası qüvvələri iki gün ərzində burada 33 mindən çox yəhudini güllələyib. Sonrakı dövrlərdə minlərlə insan da eyni ərazidə qətlə yetirilib.

▪️ Auşvits (Auschwitz)
Nasistlərin Polşada yaratdığı ən böyük ölüm düşərgəsi olub.
Bir milyondan çox insan, əsasən yəhudilər qaz kameralarında və qeyri-insani şəraitdə həyatını itirib. Auşvits bu gün Holokostun simvolu hesab olunur.

▪️ Xatın (Khatyn)
Belarusda yerləşən kənddir. 1943-cü ildə nasist qüvvələri tərəfindən yandırılıb və sakinləri diri-diri məhv edilib. Xatın Belarus xalqının müharibə dövründə çəkdiyi əzabların simvoluna çevrilib.

▪️ Buxenvald (Buchenwald)
Almaniyada yerləşən nasist əmək düşərgələrindən biri olub. Burada on minlərlə siyasi məhbus, yəhudi və rejim əleyhdarı qətlə yetirilib.

GUNAZ.TV

SON XƏBƏRLƏR