Azərbaycan ABŞ-a təşəkkür edib

SON XƏBƏRLƏR

Azərbaycan ABŞ-a təşəkkür edib

2026.03.08, 00:44

Azərbaycan Respublikasının Xarici İşlər Nazirliyi yaydığı bəyanatda İranın bu ölkənin ərazisinə qarşı həyata keçirdiyi pilotsuz uçuş aparatı hücumlarını pisləyən ABŞ-ın mövqeyinə görə Vaşinqtona təşəkkür edib.

Gunaz.tv

Azərbaycan Xarici İşlər Nazirliyi ABŞ Dövlət Departamentinin İranın Azərbaycan ərazisinə qarşı dron hücumları ilə bağlı bəyanatına münasibət bildirərək, Bakının bu mövqe və Vaşinqtonun göstərdiyi dəstəyi yüksək qiymətləndirdiyini açıqlayıb.

Nazirliyin yaydığı bəyanatda qeyd olunub ki, Azərbaycan Respublikası ABŞ-ın İran tərəfindən ölkə ərazisinə qarşı həyata keçirilən dron hücumlarını pisləyən və Bakı ilə həmrəylik ifadə edən bəyanatını yüksək dəyərləndirir.

Bəyanatda vurğulanıb ki, ABŞ bu mövqe ilə tərəfdaşlarına verdiyi dəstəyi beynəlxalq ictimaiyyətə nümayiş etdirib.

Azərbaycan Xarici İşlər Nazirliyi həmçinin bildirib ki, Vaşinqton tərəfindən ifadə olunan mövqe cari ilin 10 fevral tarixində imzalanmış Azərbaycan Respublikası hökuməti ilə Amerika Birləşmiş Ştatları hökuməti arasında Strateji Tərəfdaşlıq Xartiyasının məzmunu və ruhu ilə tam uyğunluq təşkil edir.

Bəyanatda qeyd olunub ki, hazırkı həssas dövrdə bir çox ölkələr Azərbaycanla həmrəylik və dəstək nümayiş etdirib və Bakı onların hər birinə təşəkkür edir.

Azərbaycan Xarici İşlər Nazirliyi həmçinin vurğulayıb ki, dünyanın ən güclü dövləti hesab olunan ABŞ-ın göstərdiyi dəstək xüsusi əhəmiyyət daşıyır.

Bəyanatın sonunda Bakı ABŞ-ın nümayiş etdirdiyi “prinsipial mövqeyə” görə Vaşinqtona təşəkkür edib.

GünAzTV
R,G

GUNAZ.TV

SON XƏBƏRLƏR