Avstraliya qəzetindən Xameneiyə yas tutulmasına sərt reaksiya

SON XƏBƏRLƏR

Avstraliya qəzetindən Xameneiyə yas tutulmasına sərt reaksiya

2026.03.09, 14:24

“Ayətullahlar üçün yas tuta-tuta eyni zamanda Avstraliyanı sevdiyinizi deyə bilməzsiniz.”

Gunaz.tv

Avstraliyanın nüfuzlu qəzetlərindən birində dərc olunan məqalədə Əli Xamenei üçün ölkədə yas mərasimlərinin keçirilməsi kəskin tənqid olunub və bunun Avstraliyanın əsas dəyərləri ilə ziddiyyət təşkil etdiyi bildirilib.

“Avstraliyan” qəzetində yayımlanan yazıda müəllif Zoi But qeyd edir ki, qadınların, yəhudilərin, xristianların və müsəlmanların bərabərliyi Avstraliya cəmiyyətinin əsas prinsiplərindən biridir və bu prinsiplər İran hakimiyyətinin ideologiyası ilə uyğun gəlmir.

Məqalədə vurğulanır ki, Avstraliyada Xamenei üçün yas saxlayan şəxslər ziddiyyətli mövqe nümayiş etdirirlər. Müəllifin fikrincə, İran hakimiyyəti son onilliklərdə azadlıq, bərabərlik və plüralizm kimi dəyərlərlə uyğun gəlməyən siyasət yürüdüb.

Yazıda həmçinin bildirilir ki, Xameneinin ölümü barədə xəbərlərin yayılmasından sonra Avstraliyadakı bəzi şiə dini mərkəzlərində yas mərasimləri təşkil olunub. Bu isə ölkənin bəzi siyasətçilərinin sərt reaksiyasına səbəb olub. Qəzetin yazdığına görə, bəzi siyasi fiqurlar belə tədbirləri Avstraliyanın dəyərlərinə zidd addım kimi qiymətləndiriblər.

Məqalədə İran hakimiyyəti “Amerikaya ölüm” və “İsrailə ölüm” kimi şüarların təşviqində ittiham olunur və qadınların geyim qaydalarına görə həbs, işgəncə və edam edildiyi iddia edilir.

Yazının sonunda İran ilə Qərb ölkələri arasında davam edən siyasi gərginliyə də toxunulur və Tehran hakimiyyətinin siyasətinin Qərb ölkələrində mövcud olan liberal-demokratik sistemlə ziddiyyət təşkil etdiyi qeyd olunur.

GünAzTV
R.G
^{You can’t mourn the Ayatollah and say you love Australia}

GUNAZ.TV

SON XƏBƏRLƏR