Contact Us

SON XƏBƏRLƏR

İranın raket gücündə böyük çöküş (VİDEO)

2026.03.11, 20:27
İranın raket gücündə böyük çöküş (VİDEO)

Gunaz.tv

ABŞ və İsrailin İrana qarşı birgə hərbi əməliyyatından sonra yayımlanan məlumatlar göstərir ki, bu hakimiyyətin ballistik raket buraxmaq qabiliyyəti kəskin şəkildə azalıb və hücumların başlanmasından on gün sonra gündə yüzlərlə olan buraxılış sayı bir neçə onluğa qədər enib.

Beynəlxalq mediada yayımlanan analitik hesabatlar göstərir ki, ABŞ və İsrailin birgə hərbi əməliyyatı zamanı İranın raket imkanları nəzərəçarpacaq dərəcədə zəifləyib.

“Jerusalem Post” qəzeti analitik hesabatında yazır ki, son on gün ərzində İranın ballistik raket buraxılışlarının sayı təxminən 92 faiz azalıb. Hesabata görə, raket hücumlarının ilk günü – 28 fevralda təxminən 480 ballistik raket buraxılmışdı. Lakin bu rəqəm bazar ertəsi, 9 mart tarixində cəmi 40-a düşüb.

Raket buraxılışlarının azalması ilə yanaşı, pilotsuz uçuş aparatlarının istifadəsi də eyni tendensiyanı göstərir. Yayımlanan məlumatlara əsasən, dron buraxılışlarının sayı da 92 faiz azalaraq əməliyyatın əvvəlindəki 720-dən son günlərdə təxminən 60-a enib.

Bu arada ABŞ Mərkəzi Komandanlığının hesabatında bildirilir ki, əməliyyat çərçivəsində İranın nəzarətində olan müxtəlif bölgələrdə üç mindən çox hədəfə zərbə endirilib.

Məlumatlara görə, İsrail ordusu 150 hücum dalğası çərçivəsində təxminən 2 min 600 döyüş uçuşu həyata keçirib və müxtəlif hədəflərə yaxın 6 min 500 sursat atıb.

Yayımlanan məlumatlar həmçinin göstərir ki, İranın raket buraxılış qurğularının 60 faizdən çoxu sıradan çıxarılıb. Bundan əlavə, bu hakimiyyətin dəniz qüvvələrinə məxsus 43 gəmi də hücumlar zamanı məhv edilib və ya zədələnib.

Bəzi hərbi analitiklər bildirirlər ki, İranın raket imkanlarının azalması prosesi ötən yay baş verən 12 günlük münaqişənin modelinə bənzəyir. Bununla belə, son əməliyyatda raket buraxılışlarının azalması daha sürətlə baş verib. Həmin dövrdə də raket buraxılışları münaqişənin əvvəlində gündə təxminən 100 raketdən doqquzuncu günə qədər gündə cəmi beş raketə düşmüşdü.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar