Tramp: Bu dəli quldurların başına nə gələcəyini görün

SON XƏBƏRLƏR

Tramp: Bu dəli quldurların başına nə gələcəyini görün

2026.03.13, 23:51

ABŞ prezidenti Donald Tramp İran hakimiyyəti ilə davam edən qarşıdurma barədə yeni açıqlama verərək bildirib ki, Vaşinqton bu rejimin hərbi, iqtisadi və digər sahələrdəki strukturunu “tam şəkildə məhv edir”.

Gunaz.tv

Tramp sosial şəbəkədə paylaşdığı mesajda müharibə ilə bağlı fərqli xəbərlər yayan bəzi media qurumlarını tənqid edib və yazıb:

Biz İranın terrorçu rejimini hərbi, iqtisadi və digər sahələrdə tamamilə məhv edirik. Lakin əgər iflasa uğrayan “New York Times” qəzetini oxusanız, səhv şəkildə düşünə bilərsiniz ki, biz qalib gəlmirik.

İranın dəniz qüvvələri artıq məhv edilib, onların hava qüvvələri demək olar ki, mövcud deyil. Raketlər, pilotsuz uçuş aparatları və digər hərbi imkanları ard-arda məhv edilir və onların rəhbərləri yer üzündən silinib. Biz misilsiz atəş gücünə, tükənməz sursata və kifayət qədər zamana sahibik.

Bu dəli quldurların başına bu gün nə gələcəyini görün. Onlar 47 ildir dünyanın müxtəlif yerlərində günahsız insanları öldürürlər və indi mən, Amerika Birləşmiş Ştatlarının 47-ci prezidenti olaraq, onları öldürürəm.

Bunu etmək mənim üçün böyük bir şərəfdir. Bu məsələyə diqqət göstərdiyiniz üçün təşəkkür edirəm.
Prezident Donald Tramp

GünAzTV
R.G

GUNAZ.TV

SON XƏBƏRLƏR