Böyük dövlətlər Hörmüz üçün birləşir | İran Hörmüza nəzarəti itirə bilərmi?

SON XƏBƏRLƏR

Böyük dövlətlər Hörmüz üçün birləşir | İran Hörmüza nəzarəti itirə bilərmi?

2026.03.15, 07:07

Hörmüz boğazının yenidən açılması üçün hərbi koalisiya formalaşdırılır. ABŞ prezidenti bu strateji keçidlə bağlı yeni hərbi təşəbbüs irəli sürüb.

Gunaz.tv

ABŞ prezidenti Donald Trump bildirib ki, Amerika Birləşmiş Ştatları bir neçə ölkə ilə birlikdə Hörmüz boğazında ticarət gəmiçiliyini bərpa etmək üçün körfəzinə hərbi gəmilər göndərməyi planlaşdırır.

Gunaz TV-nin yaydığı məlumata görə, Tramp şənbə günü paylaşdığı açıqlamada deyib ki, Hörmüz boğazında gəmi hərəkətinin pozulmasından zərər görən ölkələr ABŞ-la koordinasiya şəklində öz hərbi gəmilərini bu strateji keçidin açıq və təhlükəsiz qalması üçün bölgəyə göndərəcəklər.

O, həmçinin Çin, Fransa, Yaponiya, Cənubi Koreya və Böyük Britaniya kimi ölkələri bu təşəbbüsə qoşulmağa çağırıb və həmin dövlətlərin də bölgədə gəmiçiliyin təhlükəsizliyini təmin etmək üçün körfəzinə hərbi gəmilər göndərməsinin vacibliyini vurğulayıb.

Bu arada ABŞ hərbi rəsmiləri Hörmüz boğazında yaranmış böhran fonunda bölgəyə amfibiya hücum gəmisi və dəniz piyadalarından ibarət hərbi bölmə göndərildiyini açıqlayıblar. Bildirilir ki, lazım gəldiyi halda bu qüvvələr hərbi əməliyyatlarda iştirak edə bilər.

Son günlər Hörmüz boğazında baş verən hücumlar və hərbi insidentlər səbəbindən ticarət gəmilərinin hərəkəti demək olar ki, dayanıb. Bu vəziyyət regiondan neft ixracını ciddi şəkildə pozub və qlobal enerji bazarlarında böyük qeyri-sabitlik yaradıb.

GünAzTV
R.G

GUNAZ.TV

SON XƏBƏRLƏR