Contact Us

SON XƏBƏRLƏR

Netanyahu bir fincan qəhvə ilə ölüm şayiəsinə cavab verdi (video)

2026.03.15, 19:58
Netanyahu bir fincan qəhvə ilə ölüm şayiəsinə cavab verdi (video)

İran mediasının şayiəsi belə dağıldı | Netanyahu kameraya on barmağını göstərdi – niyə?

Gunaz.tv

Benjamin Netanyahu İsrailin baş naziri əlində bir fincan qəhvə ilə kinayəli şəkildə belə dedi: “Bəli, mən ölmüşəm, amma qəhvə üçün!”

Benjamin Netanyahu İsrailin baş naziri yeni yayımlanan videoda İran hakimiyyətinə yaxın media və sosial şəbəkə hesablarının onun son hücumlarda öldürüldüyü barədə yaydığı iddiaları istehzalı şəkildə təkzib edib.

Gunaz TV-nin məlumatına görə, Netanyahu İsraildə bir kafedə çəkilən videoda əlində qəhvə fincanı ilə kinayə edərək deyib: “Bəli, mən ölmüşəm, amma qəhvə üçün!”

O, daha sonra İsrail xalqına müraciət edərək bildirib: “Çölə çıxın və bir az təmiz hava alın, amma mütləq qorunan məkanların yaxınlığında olun. Sizin dayanıqlığınız heyrətamizdir.”

İsrailin baş naziri həmçinin görüntülərin süni intellektlə hazırlanması barədə yayılan iddiaları rədd etmək üçün hər iki əlini qaldıraraq on barmağını kameraya göstərib və bununla da yayılan şayiələrə cavab verib.

Son günlər İran hakimiyyətinə bağlı bəzi media və sosial şəbəkə hesabları Netanyahu­nun İranın hücumları nəticəsində öldürüldüyünü iddia edən məlumatlar yayıblar. Həmin mənbələr eyni zamanda onun çıxışlarından birinin süni intellekt vasitəsilə hazırlandığını irəli sürmüşdülər.

Bu isə o vaxt baş verir ki, İranın rəsmi mediası son illərdə siyasi təbliğatda süni intellektlə hazırlanmış görüntü və videolardan geniş istifadə edir.

Eyni zamanda yayılan məlumatlara görə, Mojtaba Khamenei İranın yeni rəhbəri kimi təqdim edildikdən sonra indiyə qədər onun heç bir real görüntüsü və videosu rəsmi mediada yayımlanmayıb və bu mövzuda paylaşılmış materialların böyük hissəsinin süni texnologiyalarla hazırlandığı bildirilir.


GünAzTV
R.G
 

Açar Sözlər :

SEÇİLMİŞ XƏBƏRLƏR

Çox oxunanlar