Tramp: Müctəba Xamenei sağdır, yoxsa ölü?

SON XƏBƏRLƏR

Tramp: Müctəba Xamenei sağdır, yoxsa ölü?

2026.03.16, 00:24

Tramp: Müctəba Xameneini heç kim görməyib

Gunaz.tv

ABŞ-ın prezidenti Donald Tramp Müctəba Xameneinin vəziyyəti ilə bağlı yeni açıqlamasında bildirib ki, onun sağ olub-olmadığı belə məlum deyil və indiyə qədər heç kim onun ortaya çıxdığını göstərə bilməyib.

Gunaz TV-nin məlumatına görə, Donald Tramp 15 mart 2026-cı ildə NBC News telekanalına telefonla verdiyi müsahibədə Müctəba Xameneinin vəziyyəti barədə danışarkən deyib ki, onun atasının öldürülməsindən sonra İran hakimiyyətində yeni lider kimi təqdim olunan bu şəxsin taleyi hələ də aydın deyil.

Tramp bildirib: “Onun hətta sağ olub-olmadığını bilmirəm. İndiyə qədər heç kim onu göstərə bilməyib.”

O əlavə edib: “Eşidirəm ki, bəlkə də artıq sağ deyil. Əgər sağdırsa, ölkəsi üçün çox ağıllı bir qərar verməlidir və bu qərar təslim olmaqdır.”

Tramp eyni zamanda Müctəba Xameneinin öldürüldüyü barədə yayılan xəbərləri “şayiə” adlandırıb. Bununla belə, o vurğulayıb ki, İran hakimiyyətinin yeni lideri kimi təqdim olunan Müctəba Xamenei ABŞ və İsrailin birgə hava hücumunda atasının öldürüldüyü vaxtdan bəri heç bir ictimai tədbirdə görünməyib və yalnız yazılı mesajlar yayıb.

Bu, Trampın Müctəba Xameneinin vəziyyəti barədə ilk açıqlaması deyil. O, bir neçə gün əvvəl başqa bir müsahibəsində də Müctəba Xameneinin ehtimal ki, sağ olduğunu, lakin “zərər gördüyünü” demişdi.

Trampın son açıqlamaları son həftələrdə Müctəba Xameneinin taleyi və hətta sağ olub-olmaması barədə mediada yayılan çoxsaylı ehtimallar və müzakirələr fonunda səsləndirilib. Onun uzun müddətdir ictimaiyyət qarşısına çıxmaması bu müzakirələri daha da gücləndirib.

GünAzTV
R.G

GUNAZ.TV

SON XƏBƏRLƏR