Yeni video “ikinci Xamenei” ilə bağlı şübhələri azaltmadı

SON XƏBƏRLƏR

Yeni video “ikinci Xamenei” ilə bağlı şübhələri azaltmadı | Müctəba göründü

2026.03.20, 10:23

Köhnə video, yeni sual: Bu video niyə indi yayımlandı? Müctəba Xamenei haradadır?

Gunaz.tv

Gunaz.tv-nin məlumatına görə, Müctəba Xameneinin səhhəti və harada olması ilə bağlı ehtimalların artdığı bir vaxtda, İranın hökumətyönlü mediası onun bir qrup tələbəyə dini elmlər dərsi keçdiyini göstərən video yayıb. Bildirilib ki, bu görüntülər ilk dəfə yayılır, amma videonun nə vaxt çəkildiyi açıqlanmayıb.

Bu video, görünür, arxiv görüntüsüdür və orada Müctəba Xamenei şiə ilahiyyatı barədə dərs deyərkən və çıxış edərkən görünür.

“Times of India” yazıb ki, Müctəba Xamenei Əli Xameneinin fevralın 28-də ABŞ hücumu nəticəsində öldürülməsindən sonra İran rəhbərliyini ələ alıb. Ancaq o vaxtdan bəri demək olar ki, ictimaiyyət qarşısına çıxmaması onun sağlamlıq durumu ilə bağlı çoxsaylı ehtimallara səbəb olub.

Onun hakimiyyətə gəldikdən sonra yayılmış ilk mesajında “milli birlik” vurğulanıb və bildirilib ki, Hörmüz boğazı İranın düşmənlərinə təzyiq göstərmək üçün bağlı qalacaq.

Əlli altı yaşlı Müctəba Xamenei İranın hakimiyyət sistemində nüfuzlu, amma az görünən fiqurlardan biri sayılır. O, illərdir hakimiyyət daxilində pərdəarxası rol oynayan və Sepah ilə yaxın əlaqələri olan şəxs kimi tanınır.

Bildirilir ki, o, İran-İraq müharibəsi zamanı Həbib batalyonunda olub və məhz həmin dövrdən sonra təhlükəsizlik və kəşfiyyat strukturlarında yüksək vəzifələrə gələn şəxslərlə əlaqələr qurmağa başlayıb.

GünAzTV
R.G

GUNAZ.TV

SON XƏBƏRLƏR