ABŞ Xark adasını ələ keçirməyə gedir | Başqa çıxış yolu qalmayıb

SON XƏBƏRLƏR

ABŞ Xark adasını ələ keçirməyə gedir | Başqa çıxış yolu qalmayıb

2026.03.23, 07:38

Yaxın Şərqdə misli görünməmiş bir qarşıdurmanın başlanacağı ehtimal olunur.

Gunaz.tv

“Jerusalem Post” yazır ki, Ağ Ev rəsmiləri İsrailə və Körfəz müttəfiqlərinə bildiriblər ki, “ehtimal ki, quru əməliyyatı həyata keçirmək və Xark adasını ələ keçirməkdən başqa çıxış yolu qalmayıb”.

İranın neft ixracının 90 faizini təmin edən bu ada artıq Donald Trampın əsas hədəfinə çevrilib. Pentaqon sürətlə minlərlə dəniz piyadasını körfəzə göndərib.

Məlumata görə, bu qüvvələrə “USS Boxer” amfibiya döyüş qrupu, həmçinin “USS Portland” və “USS Comstock” amfibiya nəqliyyat gəmiləri daxildir. Bildirilir ki, bu yerləşdirmə təxminən 4500 dəniz piyadası və əlavə döyüş qüvvələrini əhatə edə bilər.

Amerikalı mənbələr bildirir: “Əgər Tehran Hörmüz boğazını açmasa, biz adanı ələ keçirəcəyik!”

Donald Tramp da xəbərdarlıq edib: “Əgər 48 saat ərzində boğaz açılmasa, İranın elektrik stansiyalarını yerlə-yeksan edəcəyik!”

Xark adası İran rejiminin həyati arteriyası hesab olunur və hazırda ABŞ-ın birbaşa hədəfinə çevrilib.

Ekspertlər bildirirlər ki, bu əməliyyat Tehranın iqtisadiyyatını iflic edə, dünya neft qiymətlərini kəskin yüksəldə və münaqişəni misli görünməmiş mərhələyə daşıya bilər. Dünya regionun gələcəyini dəyişə biləcək tarixi qərar ərəfəsindədir.

Gunaz TV
R.G

GUNAZ.TV

SON XƏBƏRLƏR