Pakistan İrana: Dialoq zəruridir

SON XƏBƏRLƏR

Pakistan İrana: Dialoq zəruridir

2026.03.29, 14:39

Gunaz.tv

İran, ABŞ və İsrail arasında davam edən müharibə fonunda Pakistanın xarici işlər naziri İshaq Dar şənbə günü, 28 mart tarixində iranlı həmkarı Abbas Əraqçi ilə telefon danışığında gərginliyin azaldılması, dialoq və davamlı sülhə nail olmaq üçün diplomatiyanın vacibliyini vurğulayıb.

Bu telefon danışığı Pakistan hökumətinin daha əvvəl şənbə günü verdiyi açıqlamadan sonra baş tutub. Açıqlamada bildirilirdi ki, Pakistan, Səudiyyə Ərəbistanı, Misir və Türkiyənin xarici işlər nazirləri bazar və bazar ertəsi günləri İslamabadda bir araya gələrək Yaxın Şərqdə davam edən müharibəni müzakirə edəcəklər.

Pakistan Xarici İşlər Nazirliyi bəyanatında qeyd edib ki, bu görüş ölkənin xarici işlər nazirinin dəvəti ilə 29 və 30 mart tarixlərində keçiriləcək və “regionda gərginliyin azaldılması səyləri də daxil olmaqla bir sıra məsələlər üzrə dərin müzakirələri” əhatə edəcək.

Eyni zamanda, bu nazirlərin Pakistanın baş naziri Şahbaz Şəriflə də görüşü planlaşdırılır. Fransız xəbər agentliyinin məlumatına görə, Pakistan hökumətindəki bir mənbə bildirib ki, Şərif şənbə günü İran prezidenti Məsud Pezeşkian ilə bu görüşə hazırlıq çərçivəsində bir saatdan çox telefon danışığı aparıb.

GünAzTV
R.G

GUNAZ.TV

SON XƏBƏRLƏR