Böhran dərinləşir | Avropa İranı açıq ittiham etdi

SON XƏBƏRLƏR

Böhran dərinləşir | Avropa İranı açıq ittiham etdi

2026.04.03, 00:31

Gunaz.tv

Gunaz TV-nin məlumatına görə, Avropa İttifaqının xarici siyasət üzrə məsul şəxsi bildirib ki, İran hakimiyyətinə Hörmüz boğazında gəmilərin keçidindən “pul tələb etməyə” icazə verilməməlidir.

Kaya Kallas Böyük Britaniyanın təşəbbüsü ilə 40-dan çox ölkənin iştirakı ilə keçirilən virtual iclasdan sonra deyib: “Bu su yolu qlobal ictimai sərvətdir. İranın gəmilərin keçidi üçün ölkələrdən pul tələb etməsinə icazə verilməməlidir. Beynəlxalq hüquq belə sxemləri tanımır.”

Qeyd olunur ki, bu iclas Hörmüz boğazının yenidən açılması üçün birgə addımların müzakirəsi məqsədilə keçirilib.

Kallas əlavə edib: “Bu gün təhlükəsiz keçidin bərpası üçün diplomatik, iqtisadi və təhlükəsizlik tədbirlərini, eləcə də gəmiçilik sənayesi ilə əməkdaşlığı müzakirə etdik. Avropa İttifaqının ‘Aspides’ dəniz missiyası indiyədək Qırmızı dənizdə 1700 gəmiyə kömək edib və genişləndirilməlidir. Biz daha bir həyati ticarət marşrutunu itirməyə dözə bilmərik.”

ABŞ və İsrailin İran hakimiyyəti ilə müharibəsinin başlamasından sonra Hörmüz boğazında gəmi keçidi faktiki olaraq dayanıb və bu vəziyyət qlobal bazarlarda neft və neft məhsullarının qiymətlərinin kəskin artmasına səbəb olub.

GünAzTV
R.G

GUNAZ.TV

SON XƏBƏRLƏR