Pakistanın ABŞ və İran nümayəndələrini qarşılama görüntüləri yayıldı

SON XƏBƏRLƏR

Pakistanın ABŞ və İran nümayəndələrini qarşılama görüntüləri yayıldı

2026.04.11, 16:52

Gunaz.tv

Gunaz TV-nin məlumatına görə, ABŞ və İran arasında İslamabadda keçirilən həssas danışıqlar fonunda yayılan videolarda hər iki tərəfin nümayəndə heyətlərinin Pakistana ayrı-ayrılıqda daxil olduğu və rəsmi qarşılandığı görünür.

Videolardan birində ABŞ nümayəndə heyətinin rəhbəri “JD Vance”in rəhbərliyi ilə heyətin İslamabad hava bazasına enərək təyyarədən düşdüyü və Pakistan ordusunun komandanı “Asim Munir” və xarici işlər naziri “Ishaq Dar” tərəfindən qarşılandığı əks olunur.

Ayrı bir videoda isə İran nümayəndə heyətinin rəhbəri “Məhəmmədbaqir Qalibaf”ın İslamabada daxil olduğu və Pakistan rəsmiləri tərəfindən qarşılandığı görünür.

Beynəlxalq media məlumatlarına görə, bu danışıqlar Pakistanın vasitəçiliyi ilə ABŞ və İran arasında altı həftədir davam edən müharibəni dayandırmaq məqsədi daşıyır və 1979-cu ildən bəri ən yüksək səviyyəli təmaslardan biri hesab olunur.

ABŞ heyətinə “JD Vance”, “Steve Witkoff” və “Jared Kushner” daxildir və onlar şənbə günü ABŞ hərbi təyyarəsi ilə Pakistana gəlib.

İran tərəfi isə “Məhəmmədbaqir Qalibaf”ın rəhbərliyi ilə və xarici işlər naziri “Abbas Əraqçi”nin iştirakı ilə bu danışıqlara qatılıb. Bəzi məlumatlarda “Məcid Təxt-Rəvançi” və “Məhəmmədbaqir Zolqədr”in də mümkün iştirakı qeyd olunur.

Danışıqlarda Pakistan tərəfdən baş nazir “Şahbaz Şərif”, xarici işlər naziri “İshaq Dar” və ordu komandanı “Asim Munir” vasitəçi rolunda çıxış edir.

Günaz TV
R.G

GUNAZ.TV

SON XƏBƏRLƏR