ABŞ və İran yenidən masaya qayıdır

SON XƏBƏRLƏR

ABŞ və İran yenidən masaya qayıdır

2026.04.11, 20:32

Danışıqların növbəti raundu bu gecə!

Gunaz.tv

Gunaz TV-nin məlumatına görə, ABŞ və İran arasında İslamabadda keçirilən birbaşa danışıqların ilk raundu təxminən iki saat davam etdikdən sonra başa çatıb və hələlik heç bir yekun razılaşma əldə olunmayıb. Danışıqlar prosesi davam edir.

Məlumata əsasən, növbəti mərhələnin bu gecə yenidən başlanacağı gözlənilir və prosesin sabah da davam etməsi istisna olunmur.

Görüşdə ABŞ nümayəndə heyətinə “JD Vance” rəhbərlik edib, heyətdə “Steve Witkoff” və “Jared Kushner” də yer alıb. İran tərəfi isə “Məhəmmədbaqir Qalibaf”ın rəhbərliyi ilə və xarici işlər naziri “Abbas Əraqçi”nin iştirakı ilə təmsil olunub.

Danışıqlarda Pakistan tərəfdən baş nazir “Şahbaz Şərif”, xarici işlər naziri “İshaq Dar” və ordu komandanı “Asim Munir” vasitəçi rolunu oynayıb.

Qapalı qapılar arxasında keçirilən görüşlərin “konstruktiv” olduğu bildirilsə də, “daimi atəşkəs”, “Hörmüz boğazı”, “sanksiyaların ləğvi”, “İranın dondurulmuş vəsaitlərinin azad edilməsi”, “müharibə təzminatı” və “Livan məsələsi” kimi əsas mövzularda hələ razılıq əldə olunmayıb.

Eyni zamanda, bəzi İran mediası ABŞ-ın bu raundda İran vəsaitlərinin azad edilməsinə razılıq verdiyini iddia etsə də, bu məlumat hələlik beynəlxalq və ya ABŞ mənbələri tərəfindən təsdiqlənməyib.

İslamabad şəhəri ciddi təhlükəsizlik tədbirləri altındadır və danışıqlarda irəliləyiş olacağı təqdirdə, yaxın saatlarda və ya sabah ortaq bəyanatın yayımlanacağı gözlənilir.

Günaz TV
R.G

GUNAZ.TV

SON XƏBƏRLƏR