İsrail–Livan danışıqlarının pərdəarxası nədir?

SON XƏBƏRLƏR

İsrail–Livan danışıqlarının pərdəarxası nədir?

2026.04.14, 18:30

Gunaz.tv

“Günaz TV”nin məlumatına görə, İsrailin xarici işlər naziri “Gideon Saar” Livan hökuməti ilə danışıqlarla bağlı açıqlamasında İsrail və Livan arasında əsaslı fikir ayrılığının olmadığını, əsas problemin isə “Hizbullah” olduğunu vurğulayıb; onun sözlərinə görə, bu məsələ ciddi şəkildə həll edilməlidir.

Saar deyib: “İsrail və Livan arasında əsaslı fikir ayrılığı yoxdur. Problem Hizbullahdır və məhz bu məsələ ilə məşğul olunmalıdır.”

O, Livan hökumətinin rəsmi mövqeyinə istinad edərək əlavə edib: “Bu, Livan hökumətinin elan edilmiş mövqeyidir ki, Hizbullahı ləğv etmək istəyir. Onlar bu qrupun hərbi fəaliyyətini qeyri-qanuni hesab edirlər və biz bu istiqamətdə əməkdaşlıq edə bilib-bilməyəcəyimizi araşdıracağıq.”

İsrailin xarici işlər naziri davamında bu qrupun maliyyə və struktur dayaqlarına da toxunaraq bildirib: “Biz nəzərə alırıq ki, Hizbullahın maliyyə kökləri də var. Bu təşkilatı ayaqda saxlayan çoxsaylı amillər mövcuddur və faktiki olaraq Livanı İranın təsiri altında saxlayır.”

Saar həmçinin vurğulayıb: “İsrailin təhlükəsizlik problemi Livanın suverenlik problemidir; yəni Hizbullah. Bu, ortaq məsələdir və həll olunmalıdır ki, fərqli mərhələyə keçə bilək; məqsədi sülh və Livanla münasibətlərin normallaşdırılması olan mərhələyə.”

Günaz TV
R.G

GUNAZ.TV

SON XƏBƏRLƏR