86 ildən sonra Kərkükə türkmən vali seçildi

SON XƏBƏRLƏR

86 ildən sonra Kərkükə türkmən vali seçildi

2026.04.17, 09:56

İraq Türkmən Cəbhəsi siyahısının rəhbəri Mehmet Seman Ağa Kərkük Vilayət Şurasının iclasından sonra Kərkük valisi seçilib.

Gunaz.tv

Bu barədə İraq mediası məlumat yayıb.

Bildirilib ki, Kərkük Vilayət Şurasının dünən keçirilən iclasında valilikdə tarixi bir dəyişiklik baş verib. Beləki, Rabvar Tahanın istefasından sonra İraq Türkmən Cəbhəsi və Birləşmiş İraq Türkmən Cəbhəsi siyahısının rəhbəri Mehmet Seman Ağa Kərkükün yeni valisi kimi vəzifəsinin icrasına başlayıb.

Məclisdə keçirilən iclasa 14 üzv qatılıb, lakin Kürdistan Demokrat Partiyası (KDP) — Məsud Bərzani rəhbərliyində olan partiya — iclası boykot edib.

Kərkük Vilayət Məclisinin səhər saatlarında keçirilməsi planlaşdırılan iclası yetərsay olmadığı üçün baş tutmayıb və saat 18:00-a təxirə salınıb. Bu müddətdə ITC başqanı Ağa böyük izdiham və maraq fonunda Kərkük Valiliyi binasına gəlib. Axşam saatlarında keçirilən iclasda səsvermədən sonra Ağa rəsmi olaraq Kərkük valisi seçilib.

Seçildikdən sonra keçirdiyi ilk mətbuat konfransında Ağa bir türkmənin bu vəzifəyə gəlməsinin tarixi əhəmiyyət daşıdığını vurğulayıb:

“Bir il əvvəl verdiyimiz söz bu gün gerçəkləşdi. Kərkükdə 100 illik bir həsrət sona çatdı, tarixi bir prosesə şahidlik edirik. Bütün türkmən xalqına xeyirli olsun. Artıq Kərkükün valisi bir türkməndir.”

Ağanın 86 ildən sonra Kərkük valisi seçilməsi türkmənlər tərəfindən böyük sevinclə qarşılanıb. Minlərlə türkmən vətəndaşı ITC və Türkməneli bayraqları ilə şəhərin əsas küçələrində bayram yürüşü keçirib.

GünazTV

GUNAZ.TV

SON XƏBƏRLƏR