İranın Hörmüzda yeni oyunu: ABŞ mina fəaliyyətini izləyir

SON XƏBƏRLƏR

İranın Hörmüzda yeni oyunu: ABŞ mina fəaliyyətini izləyir

2026.04.23, 22:39

Gunaz.tv

Gunaz TV-nin məlumatına görə, Axios saytı bir amerikalı rəsmi və məlumatlı mənbəyə istinadən bildirib ki, İran İslam İnqilabı Keşikçiləri Korpusunun (SEPAH) dəniz qüvvələri bu həftə ərzində Hörmüz boğazında əlavə dəniz minaları yerləşdirib.

Məlumata əsasən, bu, qarşıdurmaların başlanmasından sonra İranın bu həyati keçiddə mina yerləşdirməsinin ikinci halıdır; bu addım dünyanın ən mühüm enerji marşrutlarından birinin təhlükəsizliyinə birbaşa təhdid sayılır.

Axios əvvəlki minaların təmizlənməsi ilə bağlı qeyri-müəyyənliyə toxunaraq yazıb: “Hələ də ilk mərhələdə yerləşdirilən bütün minaların aşkarlanıb təmizləndiyi məlum deyil.”

Hesabatda daha sonra qeyd olunur: “ABŞ ordusu İranın mina yerləşdirmə əməliyyatını müəyyən edib və onu diqqətlə izləyir. Bir amerikalı rəsmi bildirib ki, Vaşinqton yeni minaların sayı barədə məlumatlıdır, lakin detalları açıqlamayıb.”

Hörmüz boğazı dünya üzrə enerji daşınmasının ən həssas arteriyalarından biridir və burada yaranan hər hansı qeyri-sabitlik qlobal neft bazarlarına və dəniz ticarətinə ciddi zərbə vura bilər.

SEPAH tərəfindən həyata keçirilən bu gərginləşdirici addımlar bölgədə daha geniş qarşıdurma riskini artırır və İranın dəniz təhlükəsizliyində sabitliyi pozan rolunu bir daha ön plana çıxarır.

GünAzTV
R.G

GUNAZ.TV

SON XƏBƏRLƏR