Danışıqlar dalana dirəndi; İslamabadda məhdudiyyətlər qaldırıldı

SON XƏBƏRLƏR

Danışıqlar dalana dirəndi; İslamabadda məhdudiyyətlər qaldırıldı

2026.04.25, 21:45

Gunaz.tv

Gunaz TV-nin məlumatına görə, Associated Press İslamabadda təhlükəsizlik məhdudiyyətlərinin Abbas Araqçi-nin ölkəni tərk etməsi və Donald Trump-ın nümayəndələrinin Pakistana səfərinin ləğvindən sonra azaldıldığını bildirərək yazıb: “Bu dəyişikliklər Pakistanın danışıqların ikinci raunduna ev sahibliyi səylərində geriləməni göstərir.”

Bu çərçivədə İslamabad şəhər idarəsi “X” sosial şəbəkəsində yaydığı açıqlamada paytaxta bütün ictimai və yük nəqliyyat vasitələrinin girişinə icazə verildiyini, şəhər üzrə avtobus terminallarının yenidən açıldığını bildirib; yalnız şəhər kənarında yerləşən əsas terminallardan biri növbəti bildirişədək bağlı qalacaq.

Şənbə günü axşam saatlarında İran nümayəndə heyətinin İslamabaddan ayrılmasından sonra Donald Tramp da öz nümayəndələrinin Pakistana səfərini ləğv etdiyini açıqlayıb; bu qərar danışıqların növbəti mərhələsinin keçirilməsi ilə bağlı qeyri-müəyyənliyi artırıb.

Bu proseslərin davamında Pakistan hökuməti paytaxtda təhlükəsizlik məhdudiyyətlərinin mərhələli şəkildə azaldılmasına başlayıb. Yerli rəsmilər şənbə axşamı bildiriblər ki, şəhərə bütün ictimai və yük nəqliyyatının girişi bərpa olunub və paytaxtdakı bütün avtobus terminalları açılıb; yalnız Feyzabad terminalı növbəti bildirişədək bağlı qalacaq.

Bu addım İslamabadda təxminən bir həftə davam edən yarı-karantin şəraitindən sonra atılıb; bu vəziyyət yüz minlərlə sakinin gündəlik həyatına ciddi təsir göstərmişdi. Məhdudiyyətlərin azaldılması ilə paytaxtda meyvə, tərəvəz və digər zəruri malların təminatının yaxşılaşacağı gözlənilir.

GünAzTV
R.G

GUNAZ.TV

SON XƏBƏRLƏR