ABŞ İraqdakı İran tərəfdarı komanda üçün mükafat qoydu

SON XƏBƏRLƏR

ABŞ İraqdakı İran tərəfdarı komanda üçün mükafat qoydu

2026.04.27, 21:15

Gunaz.tv

Gunaz TV xəbər verir ki, ABŞ Xarici İşlər Nazirliyinə bağlı “Ədalət üçün Mükafat” hesabı X sosial şəbəkəsində Heydər Məzhar Məlik əs-Səidi, tanınmış adı ilə Heydər İbrahim əl-Qiravi barədə hər hansı məlumat verən şəxslərə mükafat ödənəcəyini açıqlayıb.

Həmin hesab bazar ertəsi bu şəxsin gizləndiyi yer, fəaliyyəti və əlaqələri barədə məlumatı olanlardan bunu ABŞ Xarici İşlər Nazirliyi ilə paylaşmağı istəyib.

Əs-Səidi “Ənsarullah əl-Əvfiyə” qrupunun komandanı və baş katibi kimi təqdim olunur. Bu qrup İraqda fəaliyyət göstərən və İranın xaricdəki hərbi qanadı olan Qüds Qüvvələrinə yaxın vəkil silahlı dəstələrdən sayılır.

ABŞ Xarici İşlər Nazirliyinin yaydığı məlumata görə, bu şəxs İraq, İordaniya və Suriyadakı Amerika diplomatik məkanlarına və hərbi bazalarına hücumlarda rol oynayıb, amerikalı əsgərlərin öldürülməsində iştirak edib.

“Vaşinqton Yaxın Şərq Siyasəti İnstitutu” isə bildirib ki, bu qrup Sədrçilər hərəkatından ayrılıb və İraqda Qüds Qüvvələrinin dəstəklədiyi əsas vəkil qüvvələrdən biridir. Qrup uzun müddətdir Suriya sərhədində yerləşir və iraqlı etirazçıların qətlə yetirilməsində fəal iştirak edib.

GünAzTV
R.G

Al-Sa’idi leads a militia that has attacked U.S. diplomatic facilities and killed Iraqi civilians and U.S. servicemembers.

Help us stop this terrorist. Submit a tip. pic.twitter.com/mbRvCfe1gW
— Rewards for Justice (@RFJ_USA) April 27, 2026

GUNAZ.TV

SON XƏBƏRLƏR