İran ilə ABŞ arasında danışıqların dayanması neft qiymətlərini artırdı

SON XƏBƏRLƏR

İran ilə ABŞ arasında danışıqların dayanması neft qiymətlərini artırdı

2026.04.27, 22:16

Gunaz.tv

Gunaz TV-nin məlumatına görə, İran və ABŞ arasında danışıqların dayanması, həmçinin Hörmüz boğazından neft daşınmasına qoyulan məhdudiyyətlərin davam etməsi fonunda, bazar ertəsi 27 aprel ticarətində neftin qiyməti 1 faizdən çox artıb. Bu vəziyyət qlobal yanacaq böhranı ilə bağlı narahatlıqları artırıb.

Reutersin yaydığı məlumata görə, Brent markalı neft 1.3 faiz bahalaşaraq 106 dollar 68 sentə yüksəlib. ABŞ xam nefti isə 1 faiz artaraq 95 dollar 35 sentdən satılıb.

Ötən həftə ərzində də Brent nefti 17 faiz, ABŞ xam nefti isə 13 faiz bahalaşıb. Bu kəskin artım ABŞ və İsrailin İrana qarşı müharibəsindən sonra qeydə alınıb.

Eyni zamanda, Tehran ilə Vaşinqton arasında danışıqların gələcəyi qeyri-müəyyən olaraq qalır. Stiv Vitkaf və Cared Kuşnerin Pakistana planlaşdırılan səfərinin ləğvi danışıqların bərpası ilə bağlı ümidləri azaldıb. Bildirilir ki, səfər Donald Trampın göstərişi ilə ləğv olunub.

The Times of Israel yazıb ki, enerji bazarı üzrə bir analitik Trampın Hörmüz boğazına nəzarət və İranın mina yerləşdirən gəmilərinin vurulması ilə bağlı son açıqlamalarının müharibə xərclərini artırdığını bildirib.

GünAzTV
R.G

GUNAZ.TV

SON XƏBƏRLƏR