MİT Xomeyni ilə bağlı gizli sənəd yaydı

SON XƏBƏRLƏR

MİT Xomeyni ilə bağlı gizli sənəd yaydı

2026.04.30, 16:19

Türkiyə Milli Kəşfiyyat Təşkilatı (MİT) İranın keçmiş rəhbəri Ruhullah Xomeyninin Bursada qalmasını və təhlükəsizlik nəzarəti altında olmasını ətraflı şəkildə əks etdirən 11 noyabr 1964-cü ilə aid sənədi yayımlayıb.

Gunaz.tv

Bu barədə "Anadolu" xəbər agentliyi məlumat yayıb.

Sənədə əsasən, Xomeyninin Türkiyəyə daxil olduqdan sonra Bursaya köçürüldüyü və onun yaşayış yeri və statusu ilə bağlı tənzimləmələrin təhlükəsizlik orqanlarının birbaşa nəzarəti altında olduğu bildirilir.

Gizli sənəddə həmçinin qeyd olunur ki, rəsmi və şifrələnmiş yazışmalarda Xomeyninin adını çəkmək üçün "Belli" təxəllüsündən istifadə olunub.

Sənəd Türkiyə Milli Təhlükəsizlik Xidmətinin o vaxtkı rəhbəri tərəfindən İstanbul qərargahına göndərilib və Xomeyninin 4 noyabr 1964-cü il ilə 5 oktyabr 1965-ci il arasında qalması ilə bağlıdır.

Sənəd Türkiyə Milli Kəşfiyyat Təşkilatının rəsmi veb saytının "Xüsusi toplu" bölməsində dərc olunub və ictimaiyyət üçün açıqdır.

GünazTV

GUNAZ.TV

SON XƏBƏRLƏR