ABŞ Hörmüzdə “Azadlıq layihəsi”ni yenidən işə salır

SON XƏBƏRLƏR

ABŞ Hörmüzdə “Azadlıq layihəsi”ni yenidən işə salır

2026.05.07, 21:34

Gunaz.tv

Gunaz TV-nin yaydığı məlumata görə, Wall Street Journal ABŞ rəsmilərinə istinadən yazıb ki, Donald Tramp administrasiyası Hörmüz boğazında ticarət gəmilərinin dəniz və hava dəstəyi ilə müşayiəti əməliyyatını yenidən başlatmağa hazırlaşır.

Məlumata əsasən, Pentaqon bu əməliyyatın gələn həftəsonuna qədər yenidən başlanması üçün vaxt cədvəli hazırlayıb. Bununla belə, əməliyyatın dəqiq başlanma vaxtı hələ açıqlanmayıb.

Wall Street Journal amerikalı və səudiyyəli rəsmilərə istinadən bildirib ki, Səudiyyə Ərəbistanı və Küveyt ABŞ ordusunun öz bazaları və hava məkanından istifadəsinə qoyulan əvvəlki məhdudiyyətləri ləğv edib. Bu addım “Azadlıq layihəsi” əməliyyatının yenidən həyata keçirilməsinə imkan yaradıb.

ABŞ 4 may 2026 da Hörmüz boğazında gəmilərin keçidinə nəzarət məqsədilə “Azadlıq layihəsi” əməliyyatına başlamışdı. Lakin əməliyyat Donald Trampın əmri ilə cəmi 36 saat sonra dayandırılmışdı.

Tramp 5 may 2026 da “Truth Social” platformasında yazmışdı ki, əməliyyat Pakistan və bəzi digər ölkələrin xahişindən sonra dayandırılıb. Məqsəd İranla mümkün razılaşmanın yekunlaşması üçün vaxt vermək idi.

Bu arada NBC bir neçə saat əvvəl xəbər vermişdi ki, Səudiyyə Ərəbistanı və Küveyt əvvəllər ABŞ-ın bu əməliyyat üçün öz bazaları və hava məkanından istifadəsinə qarşı çıxmışdılar.

“Azadlıq layihəsi”nin yenidən başlanması Vaşinqtonun Hörmüzdə gəmiçilik təhlükəsizliyi ilə bağlı narahatlığının artdığını və Tehranla danışıqların uğursuzluq ehtimalını göstərən siqnal kimi qiymətləndirilir.

Dünya neft ixracının böyük hissəsinin keçdiyi Hörmüz boğazı son həftələr İran və ABŞ arasındakı əsas gərginlik nöqtələrindən birinə çevrilib.

GünAzTV
R.G

GUNAZ.TV

SON XƏBƏRLƏR