Contact Us

SON XƏBƏRLƏR

İranda xərçəng dərmanları həm bahalaşıb, həm də tapılmır

2026.05.09, 21:29
İranda xərçəng dərmanları həm bahalaşıb, həm də tapılmır

Gunaz.tv

Gunaz TV-nin xəbərinə görə, müharibədən və ağır iqtisadi böhrandan əziyyət çəkən İranda xərçəng və xüsusi xəstəliklər üçün istifadə olunan dərmanların qiyməti 30 faizdən 300 faizə qədər artıb və bir çox xəstə artıq müalicəni davam etdirmək imkanını itirib.

Məlumatlara əsasən, son 40 günlük müharibə, sanksiyalar, rialın dəyərdən düşməsi və təchizat zəncirində yaranan problemlərlə birlikdə dərman böhranını daha da dərinləşdirib. Hazırda bazarda olan bəzi dərmanlar belə əhalinin böyük hissəsi üçün əlçatmaz vəziyyətə gəlib.

Yerli mediada yayılan xəbərlərə görə, kimyaterapiya dərmanları və idxal olunan preparatlar ciddi şəkildə qıtlaşıb. Bir çox ailə dərman tapmaq üçün şəhərbəşəhər gəzməyə və ya onları qara bazardan bir neçə dəfə baha qiymətə almağa məcbur qalır.

Həkimlər xəbərdarlıq edirlər ki, xərçəng müalicəsinin yarımçıq qalması və ya gecikdirilməsi xəstəliyin yenidən qayıtmasına və ölüm hallarının artmasına səbəb ola bilər. Sağlamlıq sahəsində çalışan fəallar isə bildirirlər ki, yoxsulluq səbəbindən çox sayda xəstə müalicəni yarımçıq dayandırır.

Mütəxəssislər hesab edirlər ki, dərman böhranı və əhalinin maliyyə imkanlarının tükənməsi davam edərsə, İran yaxın illərdə ağır humanitar böhran və xüsusi xəstəliklərdən ölüm hallarının artması ilə üzləşəcək.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar