İsrail və ABŞ İrana qarşı 5 ssenarini müzakirə edir

SON XƏBƏRLƏR

İsrail və ABŞ İrana qarşı 5 ssenarini müzakirə edir

2026.05.11, 20:30

Gunaz.tv

Gunaz.tv-nin məlumatına görə, İsrail mediası Təl-Əviv və Vaşinqtonun İranla qarşıdurmanın davamı ilə bağlı 5 fərqli ssenarini nəzərdən keçirdiyini yazıb. Bildirilir ki, yekun qərar əsasən Donald Trumpın mövqeyindən asılı olacaq.

Yedioth Ahronoth yazıb ki, variantlardan biri İranda müəyyən hədəflərə məhdud zərbələrin endirilməsi, digər variant isə elektrik stansiyaları, körpülər və iqtisadi obyektlər kimi həyati infrastrukturlara daha geniş hücumların təşkil edilməsidir.

Digər ssenari isə genişmiqyaslı müharibəyə girmədən qarşıdurmanın dayandırılması və qələbənin elan edilməsidir. İsrail mediasının yazdığına görə, bu variant Təl-Əviv üçün tam qənaətbəxş hesab olunmur.

İrana qarşı hərbi əməliyyatlar olmadan dəniz blokadasının və iqtisadi təzyiqlərin davam etdirilməsi də nəzərdən keçirilən variantlar arasındadır. Ekspertlər bunun dünya enerji bazarına və neft qiymətlərinə ciddi təsir göstərə biləcəyini bildirirlər.

İsrail mediası həmçinin “Azadlıq layihəsi” adlı plan barədə məlumat verib. Bildirilir ki, bu layihə İran rejiminə qarşı daha geniş təhlükəsizlik və siyasi təzyiqləri nəzərdə tutur.

İsrailli analitiklər hesab edirlər ki, yekun qərarın Trampın Çin səfərindən sonra verilməsi ehtimalı daha yüksəkdir.

GünAzTV
R.G

GUNAZ.TV

SON XƏBƏRLƏR