İranlı rəsmi: İnternetin kəsilməsi terrorların qarşısını almadı

SON XƏBƏRLƏR

İranlı rəsmi: İnternetin kəsilməsi terrorların qarşısını almadı

2026.05.11, 21:45

Rejim interneti tam bağlamasına baxmayaraq, Əli Laricani kimi rejim fiqurlarına qarşı sui-qəsdlərin qarşısını ala bilmədi.

Gunaz.tv

İran rəsmiləri əvvəllər internetin “düşmənin nüfuz yolu” olduğunu iddia edirdilər. Lakin Hüseyn Əfşin davam edən terror və təhlükəsizlik hücumlarına işarə edərək bu arqumenti rədd edib.

Gunaz.tv-nin məlumatına görə, Hossein Afshin Məsud Pezeşkianın elm və texnologiya üzrə müavini ölkədə internetin tam kəsilməsi ilə bağlı təhlükəsizlik arqumentlərini dolayı şəkildə şübhə altına alıb və bildirib ki, hətta müharibə şəraitində belə interneti bağlamaq “düzgün yol deyil.”

O, müsahibəsində deyib: “İnternet tamamilə bağlı olduğu vaxtlarda belə terrorlar davam edirdi.”

İran ABŞ və İsrailin hücumlarından sonra ölkədə interneti geniş şəkildə kəsib və bu məhdudiyyətin tətbiqindən artıq 73 gün keçir. Buna baxmayaraq, rejim interneti bağlamaqla Əli Laricani kimi mühüm fiqurlara qarşı sui-qəsdlərin qarşısını ala bilməyib.

Eyni zamanda informasiya təhlükəsizliyi üzrə mütəxəssis kimi təqdim olunan Ali Kiaifar bildirib ki, internetin bağlı olduğu dövrdə İranın bir sıra mühüm qurumları və bankları ölkə daxilindən haker hücumuna məruz qalıb.

NetBlocks isə bazar ertəsi açıqlayıb ki, İranda internetin kəsilməsindən 73 gün keçməsinə baxmayaraq, əhalinin internetə tam çıxışının bərpası ilə bağlı hələ heç bir əlamət görünmür.

GünAzTV
R.G

GUNAZ.TV

SON XƏBƏRLƏR