Netanyahunun İran sərhədlərinə yaxın bölgəyə nadir səfəri

SON XƏBƏRLƏR

Netanyahunun İran sərhədlərinə yaxın bölgəyə nadir səfəri

2026.05.13, 20:34

Netanyahu niyə İranın qonşuluğuna getdi?

Gunaz.tv

BƏƏ müharibə vaxtı Netanyahuya ev sahibliyi edib. Netanyahu İsrail və ABŞ-ın İrana hücumlarının ən qızğın vaxtında Birləşmiş Ərəb Əmirliklərinə gedibmiş.

Gunaz TV-nin məlumatına görə, İsrail baş nazirinin ofisi açıqlayıb ki, Benjamin Netanyahu ABŞ və İsrailin İranla müharibəsi zamanı gizli şəkildə Birləşmiş Ərəb Əmirliklərinə səfər edib və bu ölkənin prezidenti Şeyx Məhəmməd bin Zayidlə görüşüb.

İsrail baş nazirinin ofisi bəyan edib: “Bu səfər İsrail ilə Birləşmiş Ərəb Əmirlikləri arasındakı münasibətlərdə tarixi irəliləyişə səbəb olub.”

Bu səfərin indi üzə çıxması diqqət çəkir, çünki Birləşmiş Ərəb Əmirlikləri son müharibə zamanı İranın raket və pilotsuz aparat hücumlarının əsas hədəflərindən biri olub; bu isə görüşü müharibənin ən diqqətçəkən diplomatik və təhlükəsizlik addımlarından birinə çevirib.

Netanyahunun İranın qonşuluğundakı bir ölkəyə, özü də müharibənin ortasında səfər etməsi nadir addım kimi qiymətləndirilir; xüsusilə də daha əvvəl amerikalı rəsmilər İsrailin müharibə zamanı “Dəmir Qübbə” hava müdafiə sistemini və onu idarə edən qüvvələri BƏƏ-yə göndərdiyini təsdiqləmişdilər.

Eyni zamanda, Wall Street Journal ərəb rəsmilərinə və məlumatlı bir mənbəyə istinadən yazmışdı ki, Mossad rəhbəri David Barnea müharibə zamanı bu qarşıdurma ilə bağlı koordinasiyanı müzakirə etmək üçün azı iki dəfə BƏƏ-yə səfər edib.

Birləşmiş Ərəb Əmirlikləri İsraillə rəsmi diplomatik əlaqələri olan azsaylı ərəb ölkələrindən biridir. Bu münasibətlər 2020-ci ildə “İbrahim razılaşmaları” çərçivəsində rəsmiləşib.

GünAzTV
R.G

GUNAZ.TV

SON XƏBƏRLƏR