İran israillilərə ibrani dilində mesaj göndərir!

SON XƏBƏRLƏR

İran israillilərə ibrani dilində mesaj göndərir!

2026.05.13, 21:00

Gunaz.tv

Gunaz TV-nin məlumatına görə, İsrail mediası iranlı hakerlərlə əlaqələndirilən mesajların israilli vətəndaşların mobil telefonlarına kütləvi şəkildə göndərildiyini bildirib; bu mesajlarda İranla kəşfiyyat əməkdaşlığına çağırış və təhdid xarakterli ifadələr yer alıb.

“Israel Hayom” qəzeti yazıb ki, bu mesajlar bazar ertəsi axşamından çərşənbə axşamı səhərədək ibrani dilində minlərlə insana göndərilib və bəzi hallarda alıcılardan İranın kəşfiyyat qurumları ilə əlaqə saxlamaları istənilib.

İsrailin Milli Kibertəhlükəsizlik İdarəsi bildirib ki, bu mesajların məqsədi “ictimai rəyi manipulyasiya etmək və qorxu yaratmaq”, eyni zamanda vətəndaşların şəxsi məlumatlarını toplamaqdır.

İsrailli rəsmilər vətəndaşlara bu mesajları nəzərə almamağı, şübhəli linklərə daxil olmamağı və bu halları aidiyyəti qurumlara bildirməyi tövsiyə ediblər.

GünAzTV
R.G

GUNAZ.TV

SON XƏBƏRLƏR